കളമശേരി നഗരസഭയിലെ എ​ൻജി​നീ​യ​റുടെ ഗ്രേ​ഡ് പ്ര​മോ​ഷ​ൻ ആ​ഘോ​ഷം; ഓഫീസ് അടച്ച് ജീവനക്കാർ പുറത്ത് പോയത് വിവാദമാകുന്നു

ക​ള​മ​ശേ​രി: ന​ഗ​ര​സ​ഭ​യി​ലെ കെ​ട്ടി​ട വി​ഭാ​ഗ​ത്തി​ലെ എ​ൻജിനീ​യ​ർ ഗ്രേ​ഡ് പ്ര​മോ​ഷ​ൻ ആ​ഘോ​ഷി​ക്കാ​നാ​യി ഇ​രു​പ​തോ​ളം ജീ​വ​ന​ക്കാ​രെ​യും കൊ​ണ്ട് പു​റ​ത്ത് പോ​യ​ത് വി​വാ​ദ​മാ​യി. ഇ​ന്ന​ലെ ഉ​ച്ച​യ്ക്ക് ഒ​ന്ന​ര മ​ണി മു​ത​ൽ ര​ണ്ട​ര മ​ണി വ​രെ ക​ള​മ​ശേ​രി ന​ഗ​ര​സ​ഭ​യി​ലെ കെ​ട്ടി​ട​വി​ഭാ​ഗ​ഓ​ഫീ​സ് അ​ട​ച്ചി​ട്ടാ​ണ് ഉ​ച്ച​ഭ​ക്ഷ​ണ​ത്തി​നു മ​റ​റു​മാ​യി പോ​യ​ത്.

ക​ള​മ​ശേ​രി ന​ഗ​ര​സ​ഭ​യു​ടെ കൗ​ൺ​സി​ൽ യോ​ഗം ന​ട​ക്കു​മ്പോ​ഴാ​ണ് ഈ ​സം​ഭ​വം . വി​വി​ധ ആ​വ​ശ്യ​ങ്ങ​ൾ​ക്കാ​യി ഇ​ന്ന​ലെ ഒ​ന്ന​ര​യോ​ടെ എ​ത്തി​യ​വ​ർ ര​ണ്ട​ര​യാ​യി​ട്ടും ജീ​വ​ന​ക്കാ​ർ എ​ത്താ​ത്ത​ത് കാ​ര​ണം ബ​ഹ​ള​മു​ണ്ടാ​ക്കി. തു​ട​ർ​ന്ന് ജീ​വ​ന​ക്കാ​രെ​ത്തി ഓ​ഫീ​സ് തു​റ​ക്കു​ക​യാ​യി​രു​ന്നു. എഇയ്ക്ക് ​ല​ഭി​ച്ച ഗ്രേ​ഡ് പ്ര​മോ​ഷ​ൻ ആ​ഘോ​ഷി​ക്കാ​നാ​ണ് ഓ​ഫീ​സ് സ​മ​യ​ത്ത് ജീ​വ​ന​ക്കാ​ർ കൂ​ട്ട​മാ​യി സ്ഥ​ലം വി​ട്ട​ത്.

അ​തി​നി​ടെ ബ​ഹ​ളം വ​ച്ച വ​രോ​ട് പി​ന്നെ​ക്കാ​ണാ​മെ​ന്ന മ​റു​പ​ടി ചി​ല ജീ​വ​ന​ക്കാ​ർ പ​റ​ഞ്ഞ​താ​യും ആ​രോ​പ​ണ​മു​ണ്ട്. സാ​ധാ​ര​ണ​യാ​യി ജീ​വ​ന​ക്കാ​ർ മാ​റി മാ​റി​യാ​ണ് ഉ​ച്ച​ഭ​ക്ഷ​ണ​ത്തി​നു പോ​കാ​റ്. അ​തി​നാ​ൽ കാ​ത്തു​നി​ൽ​ക്കു​ന്ന​വ​ർ​ക്ക് ബു​ദ്ധി​മു​ട്ടു​ണ്ടാ​കാ​റി​ല്ല. ഇ​ത്ത​വ​ണ കൗ​ണ്ട​റു​ക​ൾ എ​ല്ലാം അ​ട​ച്ചി​ട്ടാ​ണ് ജീ​വ​ന​ക്കാ​ർ പു​റ​ത്തു​പോ​യ​ത്.