ഇതെന്ത് മറിമായം! വാ​തി​ലു​ക​ൾ തു​റ​ക്കാ​തെ കള്ളൻ അകത്ത്; അ​ട​ഞ്ഞു​കി​ട​ന്ന വീ​ട്ടി​ൽ​നി​ന്നു 23 പ​വ​ൻ മോ​ഷ​ണം​പോ​യി; സംശയം തോന്നാതിരിക്കാന്‍ കള്ളന്റെ കിടിലന്‍ തന്ത്രവും

നെ​ടു​ങ്ക​ണ്ടം: അ​ട​ഞ്ഞു​കി​ട​ന്ന വീ​ട്ടി​ൽ​നി​ന്നും 23 പ​വ​ന്‍റെ സ്വ​ർ​ണാ​ഭ​ര​ണ​ങ്ങ​ൾ കാ​ണാ​താ​യി. സ്വ​ർ​ണാ​ഭ​ര​ണ​ങ്ങ​ൾ സൂ​ക്ഷി​ച്ചി​രു​ന്ന ബാ​ഗി​ൽ റോ​ൾ​ഡ് ഗോ​ൾ​ഡ് ആ​ഭ​ര​ണ​ങ്ങ​ൾ നി​ക്ഷേ​പി​ച്ച​ശേ​ഷ​മാ​ണ് ക​ള്ള​ൻ മ​ട​ങ്ങി​യ​ത്.

ബാ​ല​ഗ്രാം പാ​ല​മൂ​ട്ടി​ൽ പി.​കെ. റെ​ജി​യു​ടെ വീ​ട്ടി​ലാ​ണ് വ്യ​ത്യ​സ്തമാ​യ മോ​ഷ​ണം ന​ട​ന്ന​ത്. ഭാ​ര്യ​യു​ടെ ഹൃ​ദ​യ​സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്ന് കോ​ട്ട​യ​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യ്ക്കാ​യി റെ​ജി​യും മ​ക​നും അ​ട​ങ്ങു​ന്ന കു​ടും​ബം പോ​യി​രു​ന്ന സ​മ​യ​ത്താ​ണ് മോ​ഷ​ണം ന​ട​ന്ന​തെ​ന്നാ​ണ് പ്രാ​ഥ​മി​ക നി​ഗ​മ​നം.

മ​ക​ളു​ടെ വി​വാ​ഹാ​വ​ശ്യ​ത്തി​നാ​യി സൂ​ക്ഷി​ച്ചി​രു​ന്ന​താ​യി​രു​ന്നു സ്വ​ർ​ണാ​ഭ​ര​ണ​ങ്ങ​ൾ. ഈ ​മാ​സം ര​ണ്ട്, എ​ട്ട് തീ​യ​തി​ക​ളി​ലാ​ണ് വീ​ട് പൂ​ട്ടി​യ​ശേ​ഷം റെ​ജി ആ​ശു​പ​ത്രി​യി​ൽ കു​ടും​ബ​സ​മേ​തം പോ​യ​ത്.

ഇ​ന്ന​ലെ അ​ല​മാ​രി തു​റ​ന്ന് പ​രി​ശോ​ധി​ച്ച​പ്പോ​ഴാ​ണ് സ്വ​ർ​ണാ​ഭ​ര​ണ​ങ്ങ​ൾ മോ​ഷ​ണം പോ​യെ​ന്ന​റി​ഞ്ഞ​ത്. വീ​ടി​ന്‍റെ മു​ൻ​വാ​തി​ലോ അ​ടു​ക്ക​ള വാ​തി​ലോ തു​റ​ന്ന് ആ​രും അ​ക​ത്ത് ക​യ​റി​യി​ട്ടു​മി​ല്ല.

ആ​ശു​പ​ത്രി​യി​ൽ പോ​യ സ​മ​യ​ത്ത് ബെ​ഡ് റൂ​മി​ലെ കി​ട​ക്ക​യു​ടെ അ​ടി​യി​ലാ​ണ് അ​ല​മാ​രി​യു​ടെ താ​ക്കോ​ൽ സൂ​ക്ഷി​ച്ച​ത്. ഈ ​താ​ക്കോ​ൽ എ​ടു​ത്ത് അ​ല​മാ​രി തു​റ​ന്ന് മൂ​ന്ന് മാ​ല, ഒ​രു​ജോ​ഡി ക​മ്മ​ൽ, ഒ​രു കാ​പ്പ്, അ​ഞ്ചു വ​ള​ക​ൾ, പാ​ത്ര​ത്തി​ൽ സൂ​ക്ഷി​ച്ചി​രു​ന്ന ത​കി​ട് എ​ന്നി​വ​യാ​ണ് മോ​ഷ്ടി​ച്ച​ത്.

സ്വ​ർ​ണം ഇ​ട​ക​ല​ർ​ത്തി​യ ഒ​രു മാ​ല അ​ല​മാ​രി​യി​ൽ​നി​ന്നും എ​ടു​ത്തി​ട്ടി​ല്ല. മോ​ഷ​ണ​വി​വ​രം പു​റ​ത്ത​റി​യാ​തി​രി​ക്കാ​ൻ റോ​ൾ​ഡ് ഗോ​ൾ​ഡ് ആ​ഭ​ര​ണ​ങ്ങ​ൾ പ​ക​രം ബാ​ഗി​ൽ തി​രു​കി​വ​ച്ചി​ട്ടു​ണ്ട്.

തി​രു​വ​ന​ന്ത​പു​ര​ത്ത് ജോ​ലി​ചെ​യ്യു​ന്ന മ​ക​ളു​ടെ വി​വാ​ഹം സ​മീ​പ​കാ​ല​ത്ത് ഉ​റ​പ്പി​ച്ചി​രു​ന്നു. വി​വാ​ഹാ​വ​ശ്യ​ത്തി​നാ​യി പ​ണ​യം​വെ​ച്ചി​രു​ന്ന സ്വ​ർ​ണാ​ഭ​ര​ണ​ങ്ങ​ൾ ജൂ​ണ്‍ 18-ന് ​ബാ​ങ്കി​ൽ​നി​ന്ന് എ​ടു​ത്ത് വീ​ട്ടി​ൽ സൂ​ക്ഷി​ച്ചി​രു​ന്നു. ബാ​ഗി​ലാ​ക്കി സൂ​ക്ഷി​ച്ചി​രു​ന്ന സ്വ​ർ​ണം വീ​ട്ടു​കാ​ർ പി​ന്നീ​ട് പ​രി​ശോ​ധി​ച്ചി​രു​ന്നി​ല്ല.

ക​ഴി​ഞ്ഞ ജ​നു​വ​രി​യി​ൽ ഹൃ​ദ​യ ശ​സ്ത്ര​ക്രി​യ ന​ട​ത്തി​യ ബി​ജി​യെ തു​ട​ർ​ചി​കി​ത്സ​യ്ക്കാ​യാ​ണ് ഈ​മാ​സം ര​ണ്ട്, എ​ട്ട് തീ​യ​തി​ക​ളി​ൽ കോ​ട്ട​യ​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.

ഹൃ​ദ​യശ​സ്ത്ര​ക്രി​യ ന​ട​ന്ന സ​മ​യ​ത്ത് ആ​ശു​പ​ത്രി അ​ധി​കൃ​ത​ർ കൈ​യി​ൽ​കി​ട​ന്ന അ​ഞ്ചു വ​ള​ക​ൾ മു​റി​ച്ചു​മാ​റ്റി​യ​ശേ​ഷം ബി​ജി​ക്കു തി​രി​കെ ന​ൽ​കി. ഈ ​വ​ള​ക​ൾ അ​ല​മാ​രി​യി​ലു​ണ്ട്.

വാ​തി​ലു​ക​ൾ തു​റ​ക്കാ​തെ ന​ട​ന്ന മോ​ഷ​ണം പോ​ലീ​സി​നെ​യും വെ​ട്ടി​ലാ​ക്കി. ജി​ല്ലാ ഫിം​ഗ​ർ പ്രി​ന്‍റ് ബ്യൂ​റോ സ്ഥ​ല​ത്ത് വി​ശ​ദ​മാ​യ പ​രി​ശോ​ധ​ന ന​ട​ത്തി. അ​സ്വ​ഭാ​വി​ക​മാ​യ ഒ​രു വി​ര​ല​ട​യാ​ളം ക​ണ്ടെ​ത്തി​യി​ട്ടു​ണ്ട്.

ക​ന്പം​മെ​ട്ട് സി​ഐ ജി. ​സു​നി​ൽ​കു​മാ​ർ, നെ​ടു​ങ്ക​ണ്ടം എ​സ്ഐ റ​സാ​ഖ് എ​ന്നി​വ​ര​ട​ങ്ങി​യ സം​ഘം സ്ഥ​ല​ത്ത് പ​രി​ശോ​ധ​ന ന​ട​ത്തി. നി​ർ​ണാ​യ​ക​മാ​യ വി​വ​ര​ങ്ങ​ൾ പോ​ലീ​സി​നു ല​ഭി​ച്ച​താ​യി സൂ​ച​ന​യു​ണ്ട്. മോ​ഷ​ണം ന​ട​ന്ന തീ​യ​തി വ്യ​ക്ത​മാ​കാ​ത്ത​തും പോ​ലീ​സി​നെ കു​ഴ​യ്ക്കു​ന്നു​ണ്ട്.

ആ​റു​മാ​സ​ത്തി​നി​ടെ റെ​ജി​യു​ടെ വീ​ട്ടി​ൽ ര​ണ്ടാം​ത​വ​ണ​യാ​ണ് മോ​ഷ​ണം ന​ട​ക്കു​ന്ന​ത്. ആ​ദ്യം 14 കി​ലോ​ഗ്രാം ഉ​ണ​ക്ക ഏ​ല​ക്കാ മോ​ഷ​ണം പോ​യി​രു​ന്നു.

30 കി​ലോ​ഗ്രാം ഏ​ല​ക്കാ​യാ​ണ് ചാ​ക്കി​ൽ സൂ​ക്ഷി​ച്ചി​രു​ന്ന​ത്. ഇ​തി​ൽ​നി​ന്നും 14 കി​ലോ​ഗ്രാം എ​ടു​ത്ത​ശേ​ഷം വീ​ട്ടി​ലെ ബാ​ഗു​ക​ളും തു​ണി​ക​ളും ചാ​ക്കി​ൽ​നി​റ​ച്ച് പ​ഴ​യ​പോ​ലെ ആ​ക്കി​യി​രു​ന്നു.

ഏ​ല​ക്കാ വി​ൽ​പ​ന​യ്ക്കാ​യി എ​ടു​ത്ത​പ്പോ​ഴാ​ണ് മോ​ഷ​ണം അ​റി​യു​ന്ന​ത്. ആ​ശു​പ​ത്രി സം​ബ​ന്ധ​മാ​യ കാ​ര്യ​ങ്ങ​ളു​ടെ തി​ര​ക്കാ​യ​തി​നാ​ൽ അ​ന്ന് പ​രാ​തി ന​ൽ​കി​യി​രു​ന്നി​ല്ല. പ​ത്തു​വ​ർ​ഷംമു​ന്പ് വീ​ടി​ന്‍റെ സ്പെ​യ​ർ താ​ക്കോ​ൽ ന​ഷ്ട​പ്പെ​ട്ടി​രു​ന്നു.