കൊല്ലം: ബൈക്കിൽ ഉരസിയശേഷം നിർത്താതെ പോയ സുരേഷ് കല്ലട ബസിനു നേരെ കല്ലേറ്. കൊല്ലം കൊല്ലൂർവിള പള്ളിമുക്കിനടുത്താണ് സംഭവം. തിരുവനന്തപുരത്തുനിന്നും ബംഗളൂരുവിലേക്ക് പോയ ബസിനു നേരെയാണ് കല്ലേറുണ്ടായത്. ബസിന്‍റെ ചില്ലുകൾ തകർന്നതിനാൽ യാത്ര മുടങ്ങി.
ബൈക്കിൽ ഉരസിയ ബസ് നിർത്താതെ പോയതാണ് സംഭവങ്ങൾക്ക് കാരണം. നാട്ടുകാർ ബസിന്‍റെ പിന്നാലെ പിന്തുടർന്നു. ഇതിനിടെ മറ്റൊരു ബൈക്കിനെ‍യും ബസ് തട്ടി. ഇതേ തുടർന്ന് പിന്തുടർന്നവർ കല്ലെറിയുകയായിരുന്നു. സംഭവവുമായി ബന്ധപ്പെട്ട് പോലീസ് ഒരാളെ കസ്റ്റഡിയിലെടുത്തു.
