ചാലക്കുടി: 2000 രൂപയുടെ കള്ളനോട്ട് നല്കി ലോട്ടറി വില്പനക്കാരിയെ കബളിപ്പിച്ചു. ചാലക്കുടി സൗത്ത് ജംഗ്ഷനിൽ ലോട്ടറി വില്പനക്കാരിയായ തമിഴ്നാട് സ്വദേശിനി മലർകൊടിയെയാണ് കബളിപ്പിച്ചത്. ബൈക്കിൽ ഹെൽമറ്റ് വച്ച് വന്ന യുവാവ് 700 രൂപയുടെ ലോട്ടറി ടിക്കറ്റ് വാങ്ങി.
2000 രൂപയുട നോട്ട് നൽകി. കള്ളനോട്ടാണെന്ന് അറിയാതെ 1300 രൂപ ബാക്കി നൽകുകയും ചെയ്തു. ഇതിനുശേഷം നോട്ട് പരിശോധിച്ചപ്പോഴാണ് കള്ളനോട്ടാണെന്ന് സംശയം തോന്നിയത്. അടുത്ത കടയിൽ നോട്ട് കൊണ്ടുകാണിച്ചപ്പോഴാണ് കള്ളനോട്ടാണെന്ന് മനസിലായത്. ചാലക്കുടി പോലീസിൽ പരാതി നൽകിയിട്ടുണ്ട്.
