ബോളിവുഡ് താരം കല്‍ക്കി കോച്ച്‌ലിന്‍റെ തുറന്നു പറച്ചിൽ ശ്രദ്ധേയമാകുന്നു. സിനിമയില്‍ ഇന്‍റിമേറ്റ് രംഗങ്ങൾ ചെയ്യുമ്പോള്‍ പരിശീലനം ആവശ്യമാണെന്നാണ് നടി പറയുന്നത്. അടുത്തിടെ നടന്നൊരു അഭിമുഖത്തിലായിരുന്നു നടി ഇക്കാര്യത്തെക്കുറിച്ച് പറഞ്ഞത്.
ഇന്‍റിമേറ്റ് രംഗങ്ങള്‍ ചെയ്യുമ്പോള്‍ മുന്‍കൂട്ടി പരിശീലനം വേണമെന്നും ഇതിനായി പരിശീലന കളരി അഥവാ വര്‍ക്ക് ഷോപ്പുകള്‍ വേണമെന്നാണ് കല്‍ക്കിയുടെ അഭിപ്രായം.
നൃത്തമോ ആക്ഷന്‍ കൊറിയോഗ്രാഫിയോ ചെയ്യുന്നതുപോലെ സീനിലെ ഒാരോ രംഗവും ചിട്ടപ്പെടുത്തിയെടുക്കേണ്ടതിന്‍റെ ആവശ്യകത ഏറെയുണ്ടെന്നാണ് നടി പറയുന്നത്. ഇല്ലെങ്കില്‍ സംഗതി ചിലപ്പോൾ തല്‍സമയം നടന്നെന്നും വരില്ലെന്നും കല്‍ക്കി പറയുന്നു.
ഇന്‍റിമേറ്റ് സീനിനായി താന്‍ റിഹേഴ്‍സല്‍ എടുത്തുവെന്ന് കല്‍ക്കി പറയുന്നു. അഭിനയിക്കുന്നതിനിടയില്‍ പരസ്പരം എങ്ങനെ സ്പര്‍ശിക്കണം എന്നത് വരെ സഹതാരങ്ങള്‍ തമ്മില്‍ ചര്‍ച്ച ചെയ്തിരുന്നെന്നും അഭിമുഖത്തില്‍ കല്‍ക്കി വെളിപ്പെടുത്തി.
