ഇരിങ്ങാലക്കുട: അളവിൽ കൂടുതൽ കള്ളുമായി യുവാവ് അറസ്റ്റിൽ. ഇരിങ്ങാലക്കുട എക്സൈസ് ഇൻസ്പെക്ടർ എം.ആർ. മനോജും സംഘവും നടത്തിയ പരിശോധനയിലാണു കായംകുളം റേഞ്ചിൽ നിന്നും കളള് കയറ്റി വന്ന പിക്ക്അപ്പ് വാനിൽ അളവിൽ കൂടുതൽ കള്ള് കയറ്റി വന്നതിനു യുവാവിനെ അറസ്റ്റു ചെയ്തത്.
പീച്ചി വില്ലേജിൽ പട്ടിലുംകുഴി ദേശത്ത് നിബീഷി (32) നെയാണു പോലീസ് അറസ്റ്റു ചെയ്തത്. 700 ലിറ്റർ പെർമിറ്റിനു പകരം രണ്ട ായിരത്തിലധികം കള്ളാണു ഈ വാഹനത്തിൽ ഉണ്ടായിരുന്നത്. സംഘത്തിൽ പ്രിവന്‍റീവ് ഓഫീസർ കെ.എൻ. സുരേഷ്, സിഇഒ ബെന്നി ജോസഫ്, രാകേഷ് എന്നിവരും ഉണ്ടായിരുന്നു.
