ഇതുതന്നെയായിരുന്നു ഡ്രീം. കുട്ടിക്കാലത്തു സിനിമയേക്കുറിച്ചു മനസിലെത്തിയ ആദ്യ ഡ്രീം ഇതാണ്. കൂട്ടുകാർക്കൊപ്പം ചിരിച്ചു സന്തോഷിച്ചു ജോലി ചെയ്യുക. അതും സിനിമ ചെയ്യുക.
അച്ഛന്‍റെ കൂടെ കുട്ടിക്കാലത്തു സെറ്റിൽ പോകുമ്പോൾ എന്‍റെ മനസിലേക്കു വന്നത് ഈ സ്വപ്നമാണ്. അച്ഛനും കൂടെയുള്ളവരും അത്രയേറെ ആസ്വദിച്ചു സിനിമ ചെയ്യുന്നതാണു എപ്പോഴും മനസിലുണ്ടായിരുന്നത്.
പലരും എനിക്കറിയാമായിരുന്നവർ. ഹൃദയം എന്ന സിനിമ ഷൂട്ട് ചെയ്യുമ്പോൾ എനിക്കു കിട്ടിയത് ആ ഭാഗ്യമാണ്. എന്‍റെ കാര്യത്തിൽ മാത്രമല്ല, അപ്പു (പ്രണവ്) അഭിനയിക്കുന്നതു കണ്ടപ്പോഴും അമ്മയുടെ മുഖത്തെ സന്തോഷം ഞാൻ കണ്ടു.
ആദ്യമായാണു പ്രണവിനെ അവന്‍റെ തന്നെ മാനറിസവും സ്വഭാവവുമായി സിനിമയിൽ എല്ലാവരും കാണുന്നത്. അതും അമ്മയ്ക്കു സന്തോഷമായി.
അമ്മ സിനിമ കണ്ടത് എന്‍റെ കൂടെയിരുന്നാണ്. മുഴുവൻ സമയവും അമ്മ സന്തോഷത്തോടെയാണു സിനിമ കണ്ടത്.-കല്യാണി പ്രിയദർശൻ
