ഇന്ത്യന്‍ സിനിമയില്‍ പകരം വയ്ക്കാനാളില്ലാത്ത താരമാണ് ഉലകനായകന്‍ കമല്‍ഹാസന്‍. എന്തും ഏതും വഴങ്ങുന്ന ഒരു ഓള്‍റൗണ്ടര്‍ എന്ന് താരത്തെ വിശേഷിപ്പിക്കാം.
ദശാവതാരം എന്ന ചിത്രത്തില്‍ 10 വ്യത്യസ്ത വേഷങ്ങളില്‍ എത്തിയാണ് കമല്‍ സിനിമാ ലോകത്തെ തന്നെ ഞെട്ടിച്ചത്.
പ്രണയ നായകനായും ആക്ഷന്‍ ഹീറോയായും ക്യാരക്ടര്‍ വേഷങ്ങളിലും എല്ലാം എന്നും വിസ്മയം ആണ് കമല്‍ ഹാസന്‍.
ഇടയ്ക്ക് സ്വന്തം രാഷ്ട്രീയ പാര്‍ട്ടി ഉണ്ടാക്കി തമിഴ് രാഷ്ട്രീയത്തില്‍ ഇറങ്ങിയെങ്കിലും വീണ്ടും സിനിമയിലേക്ക് തന്നെ അദ്ദേഹം തിരിച്ചെത്തി.
അടുത്തിടെ ഇറങ്ങിയ അദ്ദേഹത്തിന്റെ വിക്രം എന്ന ചിത്രം സര്‍വ്വകാല വിജയം ആണ് നേടിയിരിക്കുന്നത്. അതേ സമയം താന്‍ ഏറെയും പ്രായം കുറഞ്ഞ നടിമാര്‍ക്ക് ഒപ്പം അഭിനയിക്കുന്നതിനെ കുറിച്ച മുമ്പ് ഒരിക്കല്‍ കമല്‍ പറഞ്ഞ വാക്കുകള്‍ ആണ് ഇപ്പോള്‍ വൈറല്‍ ആയി മാറുന്നത്.
അദ്ദേഹത്തിന്റെ നായികമാര്‍ക്ക് പ്രായം തീരെ കുറവാണെന്ന് പലകോണുകളില്‍ നിന്നും വിമര്‍ശനം വന്നിരുന്നു. ഈ പശ്ചാത്തലത്തില്‍ ആയിരുന്നു അദ്ദേഹത്തിന്റെ വിശദീകരണം.
തന്റെ നായികമാര്‍ക്ക് തീരെ പ്രായം കുറവാണെന്ന വിമര്‍ശനത്തിന് തക്ക മറുപടിയാണ് അന്ന് കമല്‍ഹാസന്‍ നല്‍കിയ്.
നിങ്ങള്‍ വിശ്വസിക്കുമോ എന്നറിയില്ല. എന്റെ പത്തൊന്‍പതാമത്തെ വയസ്സില്‍ ഞാന്‍ നായകനായപ്പോള്‍ എന്റെ നായികയ്ക്ക് മുപ്പത്തിയെട്ടായിരുന്നു പ്രായം.
ആ സിനിമ അവരുടെ നൂറാമത്തെ സിനിമയോ മറ്റോ ആയിരുന്നു. മറ്റൊരു സത്യം ആ സിനിമയ്ക്ക് മുമ്പ് അതേ നടിയുടെ കുട്ടിയായി ഞാന്‍ കുറേ സിനിമകളില്‍ അഭിനയിച്ചിട്ടുണ്ട്.
പ്രായം കലാകാരനെ അല്ലെങ്കില്‍ കലയെ ബാധിക്കണമെന്നുണ്ടോ എന്നായിരുന്നു അന്ന് ആ അഭിമുഖത്തില്‍ കമല്‍ഹാസന്‍ പറഞ്ഞത്.
ഷങ്കറിന്റെ ഇന്‍ഡ്യന്‍ 2 ആണ് അദ്ദേഹത്തിന്റെ അണിയറയില്‍ ഒരുങ്ങുന്ന പുതിയ കമല്‍ ചിത്രം.
