വിവാഹം കഴിക്കാന്‍ താല്‍പ്പര്യമില്ല! കാമുകിയെ കൊന്ന് മൃതദേഹം പെട്ടിയിലാക്കി ഓടയില്‍ ഒഴുക്കി; യുവാവ് അറസ്റ്റില്‍

ഹൈ​ദ​രാ​ബാ​ദ്: മെ​ക്കാ​നി​ക്ക​ൽ എ​ൻ​ജി​നീ​യ​റാ​യ യു​വാ​വ് സോ​ഫ്റ്റ്വെ​യ​ർ എ​ൻ​ജി​നീ​യ​റാ​യ കാ​മു​കി​യെ കൊ​ല​പ്പെ​ടു​ത്തി മൃ​ത​ദേ​ഹം സ്യൂ​ട്ട്കേ​സി​ലാ​ക്കി അ​ഴു​ക്കു​ചാ​ലി​ൽ എ​റി​ഞ്ഞു. ഹൈ​ദ​രാ​ബാ​ദി​ന​ടു​ത്ത മേ​ഡ്ച​ലി​ലാ​ണു സം​ഭ​വം. യു​വ​തി​യു​ടെ മൃ​ത​ദേ​ഹം ഞാ​യ​റാ​ഴ്ച പോ​ലീ​സ് ക​ണ്ടെ​ടു​ത്തു.

ഹൈ​ദ​രാ​ബാ​ദ് സ്വ​ദേ​ശി​യാ​യ ഇ​രു​പ​ത്ത​ഞ്ചു​കാ​രി​യാ​ണു കൊ​ല്ല​പ്പെ​ട്ട​ത്. യു​വ​തി​യു​ടെ കാ​മു​ക​നാ​യ സു​നി​ലാ​ണു കൊ​ല​യാ​ളി. യു​വ​തി​യെ വി​വാ​ഹം ക​ഴി​ക്കാ​ൻ താ​ൻ ആ​ഗ്ര​ഹി​ച്ചി​രു​ന്നി​ല്ലെ​ന്നും ഇ​തി​നാ​ൽ കൊ​ല​പ്പെ​ടു​ത്തി ഒ​ഴി​വാ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നെ​ന്നും ഇ​യാ​ൾ പോ​ലീ​സി​നോ​ടു പ​റ​ഞ്ഞു.

ഞാ​യ​റാ​ഴ്ച ചി​ല പ്ര​ദേ​ശ​വാ​സി​ക​ളു​ടെ ശ്ര​ദ്ധ​യി​ലാ​ണ് സ്യൂ​ട്ട്കേ​സ് ആ​ദ്യം പെ​ടു​ന്ന​ത്. ഇ​വ​ർ അ​റി​യി​ച്ച​ത​നു​സ​രി​ച്ച് പോ​ലീ​സ് എ​ത്തി പ​രി​ശോ​ധി​ച്ച​പ്പോ​ഴാ​ണു മൃ​ത​ദേ​ഹം ക​ണ്ടെ​ത്തി​യ​ത്.

മാ​ർ​ച്ച് നാ​ലി​നാ​ണ് യു​വ​തി​യെ കാ​ണാ​താ​കു​ന്ന​ത്. മൂ​ന്നു ദി​വ​സ​ത്തി​നു​ശേ​ഷം ബ​ന്ധു​ക്ക​ൾ പ​രാ​തി​യു​മാ​യി പോ​ലീ​സി​നെ സ​മീ​പി​ച്ചു. ഒ​രു ജോ​ലി​യു​മാ​യി ബ​ന്ധ​പ്പെ​ട്ട് സു​നി​ൽ മ​സ്ക​റ്റി​ലേ​ക്കു പോ​കാ​നി​രി​ക്കു​ക​യാ​യി​രു​ന്നു. പെ​ണ്‍​കു​ട്ടി​യും ഒ​പ്പം പോ​കാ​ൻ ആ​ഗ്ര​ഹി​ച്ചു. ഇ​തോ​ടെ നാ​ലി​ന് മ​ക​ളെ വി​മാ​ന​ത്താ​ള​ത്തി​ൽ എ​ത്തി​ച്ച​ശേ​ഷം മ​ട​ങ്ങി എ​ന്നാ​ണു മാ​താ​പി​താ​ക്ക​ൾ ന​ൽ​കി​യ പ​രാ​തി​യി​ൽ പ​റ​ഞ്ഞി​രു​ന്ന​ത്.

എ​ന്നാ​ൽ സു​നി​ൽ മ​സ്ക​റ്റി​ലേ​ക്കു പോ​യി​ല്ല. പ​ക​രം പെ​ണ്‍​കു​ട്ടി​യെ​യും കൂ​ട്ടി സ​മീ​പ​ത്തെ ഒ​രു ലോ​ഡ്ജി​ലേ​ക്കു പോ​യി. ഒ​രു ദി​വ​സം ക​ഴി​ഞ്ഞ് സു​നി​ൽ പെ​ണ്‍​കു​ട്ടി​യെ കൊ​ല​പ്പെ​ടു​ത്തി. പി​ന്നീ​ട് മൃ​ത​ദേ​ഹം സ്യൂ​ട്ട്കേ​സി​ലാ​ക്കി മേ​ഡ്ച​ലി​നെ അ​ഴു​ക്കു​ചാ​ലി​ൽ ഉ​പേ​ക്ഷി​ക്കു​ക​യാ​യി​രുന്നെന്നു പോ​ലീ​സ് പ​റ​യു​ന്നു.

സു​നി​ലും കൊ​ല്ല​പ്പെ​ട്ട പെ​ണ്‍​കു​ട്ടി​യും ഹൈ​ദ​രാ​ബാ​ദി​ലാ​ണു ജോ​ലി ചെ​യ്തി​രു​ന്ന​ത്. ബി​ഹാ​ർ സ്വ​ദേ​ശി​യാ​യ സു​നി​ൽ, വ​ർ​ഷ​ങ്ങ​ൾ​ക്കു മു​ന്പ് ഹൈ​ദാ​രാ​ബാ​ദി​ൽ താ​മ​സ​മാ​ക്കി​യ​താ​ണ്. സു​നി​ലി​നെ അ​റ​സ്റ്റ് ചെ​യ്ത​താ​യും മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് അ​യ​ച്ച​താ​യും പോ​ലീ​സ് അ​റി​യി​ച്ചു.