മെ​ഡി​ക്ക​ൽ കോ​ള​ജ് പോ​ലീ​സി​ന്‍റെ ഓ​പ്പ​റേ​ഷ​ൻ; 20 അ​ടി താ​ഴ്ച​യി​ൽ ക​നാ​ലി​ൽ പെ​ട്ട യു​വാ​വി​നെ ര​ക്ഷി​ച്ചു

സ്വ​ന്തം ലേ​ഖ​ക​ൻ
മു​ള​ങ്കു​ന്ന​ത്തു​കാ​വ്: ഇ​രു​പ​ത​ടി താ​ഴ്ച​യു​ള്ള ക​നാ​ലി​ലെ വെ​ള്ള​ക്കെ​ട്ടി​ൽ വീ​ണ യു​വാ​വി​നെ മെ​ഡി​ക്ക​ൽ കോ​ള​ജ് പോ​ലീ​സ് ര​ക്ഷ​പ്പെ​ടു​ത്തി. ഇ​ന്നു പു​ല​ർ​ച്ചെ​യാ​ണ് യു​വാ​വി​നെ പോ​ലീ​സ് ര​ക്ഷ​പ്പെ​ടു​ത്തി​യ​ത്.വ​ട​ക്കാ​ഞ്ചേ​രി പോ​ലീ​സ് സ്റ്റേ​ഷ​ൻ പ​രി​ധി​യി​ൽ വ​രു​ന്ന പാ​ർ​ളി​ക്കാ​ട് പ​ട്ട​ച്ചി​റ​ക്കാ​വി​ൽ ഒ​രാ​ൾ ക​നാ​ലി​ൽ വെ​ള്ള​ത്തി​ൽ വീ​ണു കി​ട​ക്കു​ന്നു​വെ​ന്ന വി​വ​രം അ​ത്താ​ണി​യി​ലെ ഓ​ട്ടോ ഡ്രൈ​വ​റാ​യ ഷാ​ജി​യാ​ണ് മെ​ഡി​ക്ക​ൽ കോ​ള​ജ് പോ​ലീ​സ് സ്റ്റേ​ഷ​നി​ൽ പു​ല​ർ​ച്ചെ അ​റി​യി​ച്ച​ത്.

സ്റ്റേ​ഷ​നി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന നൈ​റ്റ് ഓ​ഫീ​സ​ർ എ​എ​സ്ഐ ബി​ജു, സി​പി​ഒ ഷം​നാ​ദ് എ​ന്നി​വ​ർ ഇ​ത​റി​ഞ്ഞ​തോ​ടെ പു​ല​ർ​ച്ചെ ര​ണ്ട​ര​യോ​ടെ സ്ഥ​ല​ത്തെ​ത്തി. മെ​ഡി​ക്ക​ൽ കോ​ള​ജി​ന​ടു​ത്തു നി​ന്നും ര​ണ്ടു കി​ലോ​മീ​റ്റ​ർ മാ​റി​യാ​ണ് പ​ട്ട​ച്ചി​റ​ക്കാ​വ് എ​ന്ന സ്ഥ​ലം. പോ​ലീ​സു​കാ​ർ സ്ഥ​ല​ത്തെ​ത്തു​ന്പോ​ൾ കൂ​രി​രു​ട്ടാ​യി​രു​ന്നു. ആ​ഴ​മു​ള്ള ക​നാ​ലി​ലേ​ക്ക് ഇ​റ​ങ്ങാ​ൻ ക​ഴി​യാ​ത്ത സ്ഥി​തി​യാ​യി​രു​ന്നു.

പാ​ഴ് വ​സ്തു​ക്ക​ളും മാ​ലി​ന്യ​ങ്ങ​ളും നി​റ​ഞ്ഞു കി​ട​ക്കു​ന്ന ക​നാ​ലി​ൽ ന​ല്ല ഒ​ഴു​ക്കും ഉ​ണ്ടാ​യി​രു​ന്നു​വ​ത്രെ. പു​ല്ല് നി​റ​ഞ്ഞു​നി​ൽ​ക്കു​ന്ന​തും ര​ക്ഷാ​പ്ര​വ​ർ​ത്ത​നം ദു​ഷ്ക​ര​മാ​ക്കി. ക​നാ​ലി​ൽ വീ​ണ ആ​ളെ കാ​ണാ​ൻ പോ​ലും സാ​ധി​ക്കാ​ത്ത സ്ഥി​തി​യാ​യി​രു​ന്നു​വെ​ന്ന പോ​ലീ​സ് പ​റ​ഞ്ഞു. എ​ന്നാ​ൽ ഇ​യാ​ളു​ടെ ശ​ബ്ദം കേ​ൾ​ക്കാ​ൻ സാ​ധി​ച്ചി​രു​ന്നു. ആ ​ശ​ബ്ദം വ​ന്ന സ്ഥ​ലം ക​ണ​ക്കു​കൂ​ട്ടി​യാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

ഇ​രു​പ​ത​ടി താ​ഴ്ച​യി​ൽ നി​ന്ന് ഇ​യാ​ളെ പു​റ​ത്തെ​ത്തി​ക്കു​ക എ​ളു​പ്പ​മാ​യി​രു​ന്നി​ല്ല. തു​ട​ർ​ന്ന് പോ​ലീ​സു​കാ​ർ ഫ​യ​ർ​ഫോ​ഴ്സി​ന്‍റെ സ​ഹാ​യം തേ​ടി. ഫ​യ​ർ​ഫോ​ഴ്സെ​ത്തി ക​യ​റി​ൽ വ​ടം കെ​ട്ടി ഏ​റെ പാ​ടു​പെ​ട്ടാ​ണ് ഇ​യാ​ളെ പു​റ​ത്തെ​ടു​ത്ത​ത്. മ​ദ്യ​പി​ച്ച ശേ​ഷം ന​ട​ന്നു​വ​രി​ക​യാ​യി​രു​ന്ന ഇ​യാ​ൾ അ​ബ​ദ്ധ​ത്തി​ൽ വെ​ള്ളം നി​റ​ഞ്ഞു​കി​ട​ക്കു​ന്ന ക​നാ​ലി​ലേ​ക്ക് വീ​ണ​താ​കാ​മെ​ന്നാ​ണ് ക​രു​തു​ന്ന​ത്.

പു​ല​ർ​ച്ചെ ഓ​ട്ടം പോ​യി തി​രി​കെ വ​രു​ന്പോ​ൾ ക​നാ​ലി​ൽ നി​ന്ന് നി​ല​വി​ളി കേ​ട്ട് ഓ​ട്ടോ ഡ്രൈ​വ​ർ ഷാ​ജി​യാ​ണ് വി​വ​രം പോ​ലീ​സി​ൽ അ​റി​യി​ച്ച​ത്. കൃ​ത്യ​സ​മ​യ​ത്ത് പോ​ലീ​സ് പു​റ​പ്പെ​ട്ട് സ്ഥ​ല​ത്തെ​ത്തി ആ​വ​ശ്യ​മാ​യ ന​ട​പ​ടി​ക​ൾ കൈ​ക്കൊ​ണ്ട​തു​കൊ​ണ്ടാ​ണ് ഇ​യാ​ളെ ര​ക്ഷി​ക്കാ​നാ​യ​ത്. സ​മ​യ​വും പ​രി​ധി​യു​മൊ​ന്നും നോ​ക്കാ​ൻ നി​ൽ​ക്കാ​തെ ജീ​വ​ൻ ര​ക്ഷി​ക്കാ​ൻ എ​ത്തി​യ മെ​ഡി​ക്ക​ൽ കോ​ള​ജ് പോ​ലീ​സ് മാ​തൃ​ക​യാ​യി​രി​ക്കു​ക​യാ​ണ്.