അ​ന്യ​സം​സ്ഥാ​ന തൊ​ഴി​ലാ​ളി​യുടെ കൊലപാതകം! 16 കാ​ര​നും കൂ​ട്ടു​പ്ര​തി; ഭാ​ര്യ​​യും കാ​മു​കനും റിമാൻഡിൽ

ചേ​ർ​പ്പ്: പാ​റ​ക്കോ​വി​ലി​ൽ അ​ന്യ​സം​സ്ഥാ​ന തൊ​ഴി​ലാ​ളി​യെ കൊ​ല​പ്പെ​ടു​ത്തി​യ കേ​സി​ൽ ഭാ​ര്യ​യെ​യും കാ​മു​ക​നെ​യും കോ​ട​തി റി​മാ​ൻ​ഡ് ചെ​യ്തു.

മൃ​ത​ദേ​ഹം കോ​വി​ഡ് ടെ​സ്റ്റ് റി​പ്പോ​ർ​ട്ട് കി​ട്ടി​യ​തി​നു​ശേ​ഷം ഇ​ന്നു പോ​സ്റ്റ്മോ​ർ​ട്ടം ന​ട​ത്തും. പാ​റ​ക്കോ​വി​ലി​ൽ വാ​ട​കവീ​ട്ടി​ൽ താ​മ​സി​ക്കു​ന്ന സ്വ​ർ​ണ പ​ണി​ക്കാ​ര​നാ​യ ബം​ഗാ​ൾ സ്വ​ദേ​ശി മ​ണ്‍​സൂ​ർ മാ​ലി​ക്കി​നെ കൊ​ല​പ്പെ​ടു​ത്തി​യ ഭാ​ര്യ രേ​ഷ്മ ബീ​വി (33), കാ​മു​ക​നും സ്വ​ർ​ണ പ​ണി​ശാ​ല​യി​ലെ സ​ഹാ​യി​യു​മാ​യ ബി​രു (33) എ​ന്നി​വ​രെ​യാ​ണ് കോ​ട​തി റി​മാ​ൻ​ഡ് ചെ​യ്ത​ത്.

മ​ണ്‍​സൂ​ർ മാ​ലി​ക്കി​ന്‍റെ സ്വ​ർ​ണ പ​ണി​ശാ​ല​യി​ലെ സ​ഹാ​യി​യാ​യ ബി​രു രേ​ഷ്മ ബീ​വി​യു​മാ​യി പ്ര​ണ​യ​ത്തി​ലാ​യി​രു​ന്നു.

ഒ​രു​മി​ച്ച് ജീ​വി​തം ന​യി​ക്കാ​നാ​യി​ട്ടാ​ണ് മ​ണ്‍​സൂ​റി​നെ കൊ​ല​പ്പെ​ടു​ത്തി​യ​തെ​ന്ന് ബി​രു ക​ഴി​ഞ്ഞ​ദി​വ​സം കു​റ്റം സ​മ്മ​തി​ച്ചി​രു​ന്നു.

16 കാ​ര​നും കൂ​ട്ടു​പ്ര​തി

ചേ​ർ​പ്പ്: പെ​രി​ഞ്ചേ​രി പാ​റ​ക്കോ​വി​ലെ അ​ന്യ സം​സ്ഥാ​ന തൊ​ഴി​ലാ​ളി​യു​ടെ കൊ​ല​പാ​ത​ക​ത്തി​ൽ 16 കാ​ര​നും കൂ​ട്ടു​പ്ര​തി.

പ​ശ്ചി​മ ബം​ഗാ​ൾ സ്വ​ദേ​ശി​യാ​യ മ​ൻ​സൂ​ർ മാ​ലി​ക്കി​ന്‍റെ കൊ​ല​പാ​ത​ക​ത്തി​ലെ മു​ഖ്യ​പ്ര​തി​യാ​യ ഭീ​രു​വി​ന്‍റെ ബ​ന്ധു​കൂ​ടി​യാ​യ 16 കാ​ര​ൻ കൊ​ല​പാ​ത​ക​ത്തി​നുശേ​ഷം മൃ​ത​ദേ​ഹം മ​റ​വു​ചെ​യ്യാ​ൻ കൂ​ട്ടു​നി​ന്ന​തി​നാ​ണ് പ്ര​തി​യാ​ക്കി​യി​രി​ക്കു​ന്ന​ത്.

ഞാ​യ​റാ​ഴ്ച മ​ൻ​സൂ​ർ മാ​ലി​ക്കി​ന്‍റെ ര​ണ്ടുകു​ട്ടി​ക​ളോ​ടൊ​പ്പം 16 കാ​ര​നെ​യും ചൈ​ൽ​ഡ് വെ​ൽ​ഫ​യ​ർ കേ​ന്ദ്ര​ത്തി​ലേ​ക്കു മാ​റ്റി​യി​രു​ന്നു.

ഇ​വി​ടെ​നി​ന്ന് 16 കാരനെ പോ​ലീ​സ് ക​സ്റ്റ​ഡി​യി​ൽ വാ​ങ്ങി​ചോ​ദ്യം ചെ​യ്ത​തി​നെ തു​ട​ർ​ന്നാ​ണ് കു​റ്റ​കൃ​ത്യ​ത്തി​ൽ പ​ങ്കു​ണ്ട് എ​ന്ന​റി​ഞ്ഞ​ത്. തു​ട​ർ​ന്ന് രാ​മ​വ​ർ​മ്മ​പു​രം ജു​വ​നൈ​ൽ ഹോ​മി​ലേ​ക്ക് മാ​റ്റി.