തുറവൂർ: യുവാവിനെ ആക്രമിച്ച കേസിൽ അഞ്ചംഗ സംഘം അരൂർ പോലീസിന്റെ പിടിയിലായി. അരൂർ പഞ്ചായത്ത് ആറാംവാർഡിൽ തഴുപ്പിത്തറയിൽ അക്ഷയ് (19), നാലാംവാർഡിൽ കുസാത്ത പറന്പിൽ ബിജോയ് (23), ആറാം വാർഡുകാരായ കരിക്കാണിച്ചിറയിൽ ഷിനു (22), പീടിയേക്കൽച്ചിറയിൽ ജിതിൻ (21), രണ്ടാം വാർഡിൽ ശാന്തിനിവാസിൽ വിനോദ് (22) എന്നിവരെയാണ് അരൂർ എസ്ഐ കെ.എൻ.
മനോജിന്റെ നേതൃത്വത്തിലുള്ള സംഘം പിടികൂടിയത്. കഴിഞ്ഞ 21ന് അരൂർ പുളിയനത്തുവീട്ടിൽ സജു ആൻറണി (27) യെ ക്രൂരമായി മർദിച്ച കേസിലാണ് പോലീസ് ഇവരെ അറസ്റ്റ് ചെയ്തത്. കഞ്ചാവ് വിൽപ്പനയെ ചോദ്യം ചെയ്തതിനെ തുടർന്നു സജു ആക്രമണ സംഘത്തിന്‍റെ നോട്ടപ്പുള്ളിയായിരുന്നു.
തലയ്ക്കും ശരീരഭാഗങ്ങളിലും മുറിവേറ്റ ഇദ്ദേഹത്തെ തുറവൂർ താലൂക്ക് ആശുപത്രിയിൽ പ്രവേശിപ്പിച്ചു. പ്രതികളെ ചേർത്തല കോടതിയിൽ ഹാജരാക്കും.
