വിൽപ്പനയ്ക്കായി അ​മ്മ കൊ​ടു​ത്ത​യ​ച്ച ക​ഞ്ചാ​വു​മാ​യി മ​ക​ൻ പി​ടി​യി​ൽ;  സ്കൂൾ ബാഗിൽ കൊണ്ടുവന്ന കഞ്ചാവ് മറ്റൊരാൾക്ക് കൈമാറാൻ  എത്തിയപ്പോഴാണ് പിടിയിലായത്

വി​ഴി​ഞ്ഞം: കൈ​മാ​റാ​നാ​യി അ​മ്മ കൊ​ടു​ത്ത​യ​ച്ച ര​ണ്ടു കി​ലോ ക​ഞ്ചാ​വു​മാ​യി ആ​വ​ശ്യ​ക്കാ​ര​നെ കാ​ത്തുനി​ന്ന മ​ക​ൻ പോ​ലീ​സ് പി​ടി​യി​ൽ. മ​ക​ൻ പി​ടി​യി​ലാ​യ​ത​റി​ഞ്ഞ് അ​മ്മ ഒ​ളി​വി​ൽ പോ​യി. പൂ​വാ​ർ മേ​ലെ കൊ​ട്ടാ​ര​ക്കു​ന്ന് വീ​ട്ടി​ൽ ഷി​ബി​ൻ (18) നെ​യാ​ണ് പൂ​വാ​ർ പോ​ലീ​സ് ക​ഞ്ചാ​വു​മാ​യി പി​ടി​കൂ​ടി​യ​ത്.

ഷി​ബി​ന്‍റെ അ​മ്മ മി​നി ത​മി​ഴ് നാ​ട് കു​ഴി​ത്തു​റ​യി​ൽനി​ന്ന് എ​ത്തി​ച്ച ക​ഞ്ചാ​വ് കൈ​മാ​റാ​നു​ള്ള ആ​ളി​നെ​യും കാ​ത്ത് പൂ​വാ​ർ ആ​റ്റു​പു​റം പാ​ല​ത്തി​ന് സ​മീ​പം നി​ല്ക്ക​വെ​യാ​ണ് ഇ​ന്ന​ലെ ഉ​ച്ച​ക്ക് ഒ​ന്ന​ര​യോ​ടെ യു​വാ​വി​നെ പോ​ലീ​സ് പി​ടി​കൂ​ടി​യ​ത്. സ്കൂ​ൾ ബാ​ഗി​ൽ ക​ഞ്ചാ​വു​മാ​യി ഒ​രാ​ൾ പൂ​വാ​റി​ലേ​ക്ക് വ​രു​ന്നു​വെ​ന്ന ര​ഹ​സ്യവി​വ​രം സി​ഐ എ​സ്.​വൈ.​സു​രേ​ഷി​ന് ല​ഭി​ച്ചു.

​ സി​ഐ​യു​ടെ നി​ർ​ദേ​ശ പ്ര​കാ​രം എ​സ്ഐ സു​ജി​തും എ​എ​സ്ഐ ക്രി​സ്റ്റി, സി​പി​ഒ​മാ​രാ​യ പ്രേ​മ​ൻ, അ​ജി​ത്ത്, ജ​യ​രാ​ജ്, ഷൈ​ജു, വി​നീ​ത് എ​ന്നി​വ​ര​ട​ങ്ങി​യ സം​ഘം ന​ട​ത്തി​യ തെ​ര​ച്ചി​ലി​ലാ​ണ് സം​ശ​യ​ക​ര​മാ​യി റോ​ഡ​രികി​ൽ നി​ൽ​ക്കു ക​യാ​യി​രു​ന്ന ഷി​ബി​നെ പി​ടി​കൂ​ടി​യ​ത്.

ഇ​യാ​ളു​ടെ കൈ​വ​ശ​മു​ണ്ടാ​യി​രു​ന്ന ബാ​ഗി​ൽ ന​ട​ത്തി​യ പ​രി​ശോ​ധ​ന​യി​ൽ ക​ഞ്ചാ​വ് ക​ണ്ടെ​ത്തു​ക​യാ​യി​രു​ന്നു. ത​മി​ഴ്നാ​ട്ടി​ൽ പ​തി​ന​യ്യാ​യി​ര​ത്തോ​ളം രൂ​പ വി​ല​യു​ള്ള ക​ഞ്ചാ​വി​ന് ഇ​വി​ടെ അ​ൻ​പ​തി​നാ​യി​രം​രൂ​പ വ​രെ വി​ല ല​ഭി​ക്കു​മെ​ന്നും വ​ൻ ലാ​ഭം പ്ര​തി​ക്ഷി​ച്ച് സ് കൂ​ൾ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക് വി​ത​ര​ണം ചെ​യ്യാ​നാ​ണ് ഇ​ത്ര​യും കൂ​ടു​ത​ൽ ക​ഞ്ചാ​വ് എ​ത്തി​ച്ച​തെ​ന്നും ക​രു​തു​ന്ന​താ​യി പോ​ലീ​സ് പ​റ​ഞ്ഞു.

അ​മ്മ​യാ​ണ് മ​റ്റാ​ർ​ക്കോ ക​ഞ്ചാ​വ് കൈ​മാ​റാ​നാ​യി ത​ന്നെ ഏ​ല്പി​ച്ച​തെ​ന്ന പ്ര​തി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ അ​മ്മ മി​നി​യെ​ത്തേ​ടി പോ​ലീ​സ് വീ​ട്ടി​ൽ എ​ത്തി​യെ​ങ്കി​ലും മി​നി പി​ടി​കൊ​ടു​ക്കാ​തെ മു​ങ്ങി.