കോട്ടയം: കഞ്ചാവ് വിൽപന നടത്തിയതിന് സ്കൂൾ വിദ്യാർഥി ഉൾപ്പെടെ മൂന്നു പേരെ ചിങ്ങവനം പോലീസ് അറസ്റ്റു ചെയ്തു. ചിങ്ങവനം സ്വദേശികളായ പനക്കളം ലിബു പി ഐസക് (19), അറയ്ക്കൽചിറ അമൽബിജു (21) , പ്രായപൂർത്തിയാകാത്ത സ്കൂൾ വിദ്യാർഥി എന്നിവരാണ് പിടിയിലായത്.
പോളച്ചിറ ഭാഗത്ത് കഞ്ചാവ് വിൽപന നടക്കുന്ന വിവരം പോലീസിന് ലഭിച്ചിരുന്നു. ഇതനുസരിച്ച് ദിവസങ്ങളായി നിരീക്ഷണം നടത്തി വരികയായിരുന്നു പോലിസ്. ഇന്നലെയാണ് ഇവരെ പിടികൂടിയത്. ഇന്നു കോടതിയിൽ ഹാജരാക്കും.
