കടുത്തുരുത്തി: ഹാഷിഷും കഞ്ചാവുമായി യുവാവ് അറസ്റ്റിൽ. കടുത്തുരുത്തി സ്വദേശി കെ.എ. ക്രിസ്റ്റി (24) ആണ് ആപ്പാഞ്ചിറ ഭാഗത്തുനിന്നും എക്സൈസിന്‍റെ പിടിയിലായത്. ഇയാളിൽ നിന്നും 10,000 രൂപ വിലവരുന്ന രണ്ട് ഗ്രാം ഹാഷിഷ്, കഞ്ചാവ് എന്നിവയും, വലിക്കാൻ ഉപയോഗിക്കുന്ന ബോംഗ്, ഫിൽറ്റർ പേപ്പറുകൾ എന്നിവയും പിടിച്ചെടുത്തു. ഓടി രക്ഷപെടാൻ ശ്രമിച്ച പ്രതിയെ സാഹസികമായാണ് എക്സൈസ് സംഘം പിടികൂടിയത്.
ഒരു മാസത്തോളമായി യുവാവ് എക്സൈസ് ഇന്‍റലിജൻസിന്‍റെ നിരീക്ഷണത്തിലായിരുന്നു. എക്സൈസ് റേഞ്ച് ഇൻസ്പെക്ടർ കെ.സി. സുരേഷ്, പ്രിവന്‍റീവ് ഓഫീസർ ഹരീഷ് ചന്ദ്രൻ, കെ.ജയചന്ദ്രൻ, തൻസീർ, ശ്യാംകുമാർ, മഹാദേവൻ, മഹേഷ്, ഷെറിന, സാജു എന്നിവരടങ്ങിയ സംഘമാണ് യുവാവിനെ പിടികൂടിയത്. പ്രതിയെ വൈക്കം കോടതിയിൽ ഹാജരാക്കി.
