തിരുവനന്തപുരം: സ്കൂൾ വിദ്യാർത്ഥികൾക്ക് വിൽപ്പന നടത്താൻ ട്രെയിനിൽ എത്തിച്ച അരകിലോ കഞ്ചാവുമായി രണ്ട് പേരെ റെയിൽവെ പോലീസ് അറസ്റ്റ് ചെയ്തു. ഇടുക്കി ചെറുതോണി സ്വദേശികളായ ശ്യാം (23), സൗബിൻ (22) എന്നിവരെയാണ് തിരുവനന്തപുരം റെയിൽവെ പോലീസ് അറസ്റ്റ് ചെയ്തത്.
റെയിൽവെ എസ്ഐ. വിഷ്ണു പ്രസാദ്, എഎസ്ഐ. രാജേഷ്, സിപിഒമാരായ അനിൽ, വിവേക്, ജയനാരായണൻ, പുഷ്കരൻ, സജു , ജെറോണ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതികളെ അറസ്റ്റ് ചെയ്തത്. പ്രതികളുടെ പേരിൽ നിരവധി കഞ്ചാവ് കേസുകൾ നിലവിലുണ്ടെന്ന് പോലീസ് പറഞ്ഞു.
