മാന്നാർ: സ്കൂളിന് സമീപം വിദ്യാർത്ഥികൾക്ക് കഞ്ചാവ് വിൽപ്പന നടത്തി വന്നിരുന്നയാളെ മാന്നാർ പോലീസ് പിടികൂടി കോടതിയിൽ ഹാജരാക്കി റിമാന്‍റ് ചെയ്തു. ചെന്നിത്തല കോട്ടമുറി തൂന്പിനാത്ത് പ്രസാദാ(തീപ്പൊരി പ്രസാദ്-49)ണ് അറസ്റ്റിലായത്.
ഇന്നലെ വൈകുന്നേരം നാലിന് മാന്നാർ നായർ സമാജം സ്കൂളിന് സമീപം വിദ്യാർത്ഥികൾക്ക് കഞ്ചാവ് വിൽക്കുവാൻ ശ്രമിക്കുന്നതിനിടയിലാണ് ഇയാൾ പടിയിലായത്. മാന്നാർ സ്കൂൾ ഗ്രൗണ്ട്, ബാർ ഹോട്ടലിന് സമീപം, ഐറ്റിസി എന്നിവിടങ്ങൾ കേന്ദ്രീകരിച്ച് കഞ്ചാവ് കച്ചവടം നടക്കുന്നതായി പോലീസിന് ലഭിച്ച വിവരത്തെ തുടർന്ന് നടത്തിയ അന്വേഷണത്തിലാണ് ഇയാൾ പിടിയിലായത്.
പന്ത്രണ്ടോളം മോഷണകേസുകൾ ഉൾപ്പടെ നിരവധി കേസുകളിൽ ഇയാൾ പ്രതിയാണെന്ന് പോലീസ് പറഞ്ഞു. ഇയാൾ വന്ന ബൈക്കും വിൽപ്പയ്ക്കായി സൂക്ഷിച്ചിരുന്ന കഞ്ചാവും പടികൂടി. മാന്നാർ എസ്ഐ കെ.എൽ.മഹേഷിന്‍റെ നേതൃത്വത്തിൽ ഐ.ഡി.ബഷുറുദ്ദീൻ, രാജീഷ്, ശ്രീജിത്ത്, മനീഷ്, അനീഷ് എന്നിവരാണ് പ്രതികളെ പിടികൂടിയത്.
മാന്നാർ കേന്ദ്രീകരിച്ച് വളരെ നാളുകളായി കഞ്ചാവ് വിൽപ്പന നടത്തുന്ന വൻ റാക്കറ്റിലെ കണ്ണിയാണ് ഇയെളെന്നും മറ്റുള്ളവർക്ക് വേണ്ടിയുള്ള അന്വേഷണം നടത്തി വരുകയാണെന്നും പോലീസ് പറഞ്ഞു.
