കടുത്തുരുത്തി: വീടിന് പുറകിൽ കഞ്ചാവ് ചെടികൾ നട്ടു വളർത്തിയ യുവാവിനെ എക്സൈസ് സംഘം അറസ്റ്റ് ചെയ്തു. പെരുവ സ്വദേശി മാത്യൂസ് റോയ് (21) ആണ് അറസ്റ്റിലായതെന്ന് എക്സൈസ് അറിയിച്ചു. 33 ചെടികളാണ് ഇത്തരത്തിൽ തടമെടുത്ത് പ്രതി നട്ട് വളർത്തിയിരുന്നത്.
മുന്പും ഇയാളെ കഞ്ചാവ് കേസിൽ പിടികൂടിയിട്ടുണ്ടെന്നും തുടർന്ന് ഇയാളുടെ നീക്കങ്ങൾ നിരീക്ഷിച്ചു വരികയായിരുന്നുവെന്നും എക്സൈസ് അറിയിച്ചു. രണ്ട് മാസം വളർച്ചയെത്തിയ 20 സെന്റിമീറ്ററോളം ഉയരമുള്ള ചെടികളാണ് പിടികൂടിയത്. കഞ്ചാവ് ചെടികൾ നനയ്ക്കുന്പോളാണ് എക്സൈസ് എത്തി പ്രതിയെ പിടികൂടിയത്. എക്സൈസ് ഇൻസ്പെക്ടർ കെ.സി. സുരേഷിന്‍റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
