പാലക്കാട്: ഒരു കിലോ കഞ്ചാവുമായി നാലു യുവാക്കൾ പാലക്കാട് എക്സൈസിന്‍റെ പിടിയിലായി. ആലപ്പുഴ കുട്ടനാട് സ്വദേശികളായ ശ്രീക്കുട്ടൻ (23), കുമാർ(22) കൊല്ലം സ്വദേശികളായ വിനീഷ് (20), ഷെഫീഖ് (23) എന്നിവരാണ് അറസ്റ്റിലായത് .സ്ക്കൂൾ, കോളേജ് വിദ്യാർത്ഥികൾക്ക് വിൽക്കുന്നതിനായി കൊണ്ടു വന്നതായിരുന്നു കഞ്ചാവ്.
ട്രെയിനിലും മറ്റും രാത്രികാലങ്ങളിൽ കഞ്ചാവ് കടത്തുന്നുണ്ടെന്ന് പാലക്കാട് എക്സൈസ് സർക്കിൾ ഇസ്പെക്ടർ പി. കെ സതീഷിനു ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ ഒലവക്കോട് റെയിൽവേ സ്റ്റേഷനിൽ രാത്രിയിൽ നടത്തിയ പരിശോധനയിലാണ് പ്രതികളെ പിടികൂടിയത്.
പാലക്കാട് എക്സൈസ് സർക്കിൾ ഓഫീസിലെ എക്സൈസ് ഇൻസ്പെക്ടർ വി. അനൂപിന്‍റെ നേതൃത്വത്തിലുള്ള സംഘമാണ് പ്രതികളെ കസ്റ്റഡിയിൽ എടുത്തത്. ഇവർ ഇതിനു മുന്പും പല പ്രാവശ്യം കഞ്ചാവ് കടത്തിയിട്ടുള്ളതായി ചോദ്യം ചെയ്തതിൽ നിന്നും വ്യക്തമായി. പ്രിവന്‍റീവ് ഓഫീസർ ജെ.ആർ അജിത്ത് , സിവിൽ എക്സൈസ് ഓഫീസർ വിനായകൻ ഡ്രൈവർ ജയപ്രകാശ് എന്നിവരാണ് പാർട്ടിയിൽ ഉണ്ടായിരുന്നത്.
