ന്യൂയോർക്കിലെ അനിമൽ അഡ്വഞ്ചർ പാർക്കിലെ പുതിയ അതിഥിയുടെ ചിത്രം സോഷ്യൽ മീഡിയയിൽ കൗതുകമാകുന്നു.
റോസി എന്ന കങ്കാരുവിന് ജനിച്ച കുഞ്ഞാണ് താരം. ചുവന്ന കളറുള്ള റോസിക്ക് ജനിച്ചിരിക്കുന്നത് വെള്ള നിറത്തിലുള്ള കുഞ്ഞാണ്. സാധാരണ വെള്ള നിറത്തിൽ ചുവന്ന കങ്കാരുകൾക്ക് കുഞ്ഞ് ജനിക്കാറില്ലെന്നാണ് പാർക്ക് ജീവനക്കാർ പറയുന്നത്.
മൂന്നു – നാലു മാസം മുന്പാണ് കങ്കാരു കുഞ്ഞിന് ജന്മം നൽകിയത്. കഴിഞ്ഞ ദിവസമാണ് കുഞ്ഞിനെ പരിശോധിക്കാനായി കങ്കാരുവിന്‍റെ സഞ്ചിയിൽ നിന്ന് പുറത്തെടുത്തത്.
അപ്പോഴാണ് വെള്ള കങ്കാരുവാണ് ജനിച്ചിരിക്കുന്നതെന്ന് ജീവനക്കാർ അറിയുന്നത്. പുതിയ അതിഥിയുടെ വിശേഷം അനിമൽ അഡ്വഞ്ചർ പാർക്ക് ട്വിറ്ററിലൂടെയാണ് പുറത്തുവിട്ടത്. കങ്കാരു കുഞ്ഞിന്‍റെ ചിത്രങ്ങൾ വൈറലാണ്.
