ക​ഠി​ന​മാ​ണ് ഈ ​ചൂ​ട്..; “​എ​നി​ക്കാ​വ​തി​ല്ല പൂ​ക്കാ​തി​രി​ക്കാ​ൻ… വി​ഷു​ക്കാ​ല​മ​ല്ലേ ക​ണി​ക്കൊ​ന്ന​യ​ല്ലേ’… ചൂ​ട് വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ  കും​ഭ​ത്തി​ലേ ക​ണി​ക്കൊ​ന്ന പൂ​ത്തു​നി​ൽ​ക്കു​ന്ന കാ​ഴ്ച 

ഒ​റ്റ​പ്പാ​ലം: പൊ​ള്ളു​ന്ന വെ​യി​ലി​നെ അ​തി​ജീ​വി​ച്ച് പ്ര​കൃ​തി​യെ മ​ഞ്ഞ​പ്പ​ട്ട​ണി​യി​ക്കു​വാ​ൻ ക​ണി​ക്കൊ​ന്ന​ക​ൾ പൂ​ത്തു​ല​ഞ്ഞു. വി​ഷുപ്പക്ഷി​യു​ടെ കു​റു​ക​ലും പൊ​ന്നു​രു​ക്കു​ന്ന കൊ​ന്ന​പൂ​ക്ക​ളും പ്ര​കൃ​തി​യ്ക്കു സ്വ​ർ​ണ​ച്ചാ​മ​രം വീ​ശു​ന്ന കാ​ഴ്ച്ച​വ​ട്ട​ങ്ങ​ളാ​ണ്.

ചൂ​ട് ക​ഠി​ന​മാ​യ​തോ​ടെ​യാ​ണ് നേ​ര​ത്തെ​ത​ന്നെ മി​ക്ക കൊ​ന്ന​ക​ളും പൂ​വി​ട്ടു​തു​ട​ങ്ങി​യ​ത്. ആ​ടി​യു​ല​ഞ്ഞു നി​ൽ​ക്കു​ന്ന കൊ​ന്ന​പ്പൂ​വി​നു​ചു​റ്റും പൂ​മ്പാ​റ്റ​ക​ളും ചെ​റു​വ​ണ്ടു​ക​ളും പാ​റി​ന​ട​ക്കു​ന്ന​തും കാ​ണാം.

കും​ഭ​മാ​സ കാ​റ്റി​ൽ ഞെ​ട്ട​റ്റു​വീ​ണ കൊ​ന്ന​പ്പൂ​ക്ക​ൾ മ​ര​ത്തി​നു​ചു​റ്റും മ​ഞ്ഞ പ​ര​വ​ത്താ​നി വി​രി​ച്ച​തും കാ​ണാം. നി​ലാ​കാ​ശ​വും ആ​ടി​യു​ല​യു​ന്ന കൊ​ന്ന​പ്പൂ​വും മ​നോ​ഹ​ര കാ​ഴ്ച​ത്ത​ന്നെ​യാ​ണ്. സ​മൃ​ദ്ധി​യു​ടെ വി​ഷു ആ​ഘോ​ഷ​ത്തി​നു ക​ണി​ക്കൊ​ന്ന​ക​ൾ അ​വി​ഭാ​ജ്യ ഘ​ട​ക​മാ​ണ്. വി​പ​ണി​യി​ൽ പ്ലാ​സ്റ്റി​ക് കൊ​ന്ന​പ്പൂ​ക്ക​ളും ഇ​പ്പോ​ൾ സു​ല​ഭ​മാ​ണ്.

എ​ന്നാ​ൽ കൊ​ടും​ചൂ​ടി​ൽ ക​ണ്ണി​നു കു​ളി​ർ​ക്കാ​ഴ്ച​യാ​യി തൂ​ങ്ങി​യാ​ടു​ന്ന ക​ണി​ക്കൊ​ന്ന പൂ​ക്ക​ൾ ഗൃ​ഹാ​തു​ര​ത്വം ന​ൽ​കു​ന്ന ഓ​ർ​മ​ക​ളാ​ണ്. അ​ന്ത​രീ​ക്ഷ ഊ​ഷ്മാ​വ് വ​ർ​ധി​ക്കു​ന്ന​തി​തി​ന​നു​സ​രി​ച്ചാ​ണ് ക​ണി​ക്കൊ​ന്ന​ക​ൾ പൂ​ക്കു​ന്ന​ത്.

എ​ന്നാ​ൽ മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ക​ണി​ക്കൊ​ന്ന​ക​ൾ വ​ള​രെ നേ​ര​ത്തെ​ത​ന്നെ ഇ​ത്ത​വ​ണ പൂ​ത്തു​നി​ൽ​ക്കു​ന്ന കാ​ഴ്ച​യാ​ണ് ദൃ​ശ്യ​മാ​കു​ന്ന​ത്. ചൂ​ടു​വ​ർ​ധി​ക്കു​ന്ന സാ​ഹ​ച​ര്യം മൂ​ല​മാ​ണി​ത്.