നാദാപുരം: കക്കട്ടില്‍ കുന്നുമ്മല്‍ ഭാഗങ്ങളില്‍ നടത്തിയ പട്രോളിംഗില് കഞ്ചാവുമായി മൂന്നുപേർ എക്സൈസ് പിടിയിലായി.കടിയങ്ങാട് മുതുവണ്ണാച്ചയില്‍ ചെറുപുത്തലത്ത് ഹര്‍ഷാദ് (19),തിനൂര്‍ മുള്ളമ്പത്ത് സ്വദേശികളായ കൊല്ലിയില്‍ വിഷ്ണുവിനോദ് (19),വേരങ്കോളി വീട്ടില്‍ വിഷ്ണു (19) എന്നിവരെയാണ് തിങ്കളാഴ്ച വൈകുന്നേരം നാലരയോടെ പ്രിവന്‍റീവ് ഓഫീസര്‍ സി.പി.ചന്ദ്രന്‍, പി.പി.ജയരാജ് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്.
പ്രതികള്‍ സഞ്ചരിച്ചിരുന്ന കെ എല്‍ 18 വൈ 0970 നമ്പര്‍ സുസുക്കി എക്‌സസ് ബൈക്കും അധികൃതര്‍ കസ്റ്റഡിയിലെടുത്തു. 20 ഗ്രാം കഞ്ചാവ് യുവാക്കളില്‍ നിന്ന് കണ്ടെത്തി. സിവില്‍ എക്സൈസ് ഓഫീസര്‍മാരായ വിനോദ് കോളയാട്, കെ.സിനീഷ്, പി.വിജേഷ്, നിഷ ഡ്രൈവര്‍ പുഷ്പരാജ് എന്നിവര്‍ പരിശോധനയില്‍ പങ്കെടുത്തു.
