ഉപായം കടലാസിലുണ്ട്; കാഞ്ഞിരപ്പള്ളിയിലെ കുരുക്കഴിക്കാൻ കൊണ്ടുവന്ന ഗതാഗത പരിഷ്കാരവും കുരുക്കിൽ

കാ​ഞ്ഞി​ര​പ്പ​ള്ളി: ടൗ​ണി​ലെ ഗ​താ​ഗ​ത​ക്കുരു​ക്കിന് പരിഹാരമായി ആ​വി​ഷ്കരി​ച്ച ഗ​താ​ഗ​ത പ​രി​ഷ്കാ​രം തു​ട​ക്ക​ത്തിലേ പാ​ളി. ബ​സ് സ്റ്റോ​പ്പു​ക​ൾ മാ​റ്റി​യും ഓ​ട്ടോ – ടാ​ക്സി സ്റ്റാ​ൻ​ഡു​ക​ൾ പു​നഃ​സ്ഥാ​പി​ച്ചും ജനുവരി 25ന് ​ആ​രം​ഭി​ക്കു​മെ​ന്ന് പ​റ​ഞ്ഞ ഗ​താ​ഗ​ത പ​രി​ഷ്കാ​ര​മാ​ണ് പാ​ളി​യി​രി​ക്കു​ന്ന​ത്.

ഓ​രോ ദി​വ​സ​വും കു​ടു​ത​ൽ കു​രു​ക്കി​ൽ കു​ടു​ങ്ങു​ന്ന കാ​ഞ്ഞി​ര​പ്പ​ള്ളി​യി​ലെ ഗ​താ​ഗ​ത പ്ര​ശ്ന​ത്തി​ന് പ​രി​ഹാ​ര​മെ​ന്ന വി​ധ​മാ​ണ് ഗ​താ​ഗ​ത പ​രി​ഷ്കാ​രം പ​ഞ്ചാ​യ​ത്ത് ക​മ്മി​റ്റി തീരു​മാ​നി​ച്ച​ത്. എ​ന്നാ​ൽ, തി​രു​മാ​ന​ങ്ങ​ൾ ഇ​പ്പോ​ഴും ക​ട​ലാ​സിൽ കു​രു​ങ്ങി കി​ട​ക്കു​ക​യാ​ണ്.

ഇ​ത് ന​ട​പ്പി​ലാ​ക്കേ​ണ്ട അ​ധികൃ​ത​രോ, പോ​ലീ​സോ, മോ​ട്ടോ​ർ വാ​ഹ​ന ഉ​ദ്യോ​ഗ​സ്ഥ​രോ തി​രി​ഞ്ഞു നോ​ക്കി​യി​ട്ടില്ലെന്ന് ആ​രോ​പ​ണ​വും ഉ​യ​ർ​ന്നു ക​ഴി​ഞ്ഞു.

ക​ച്ച​വ​ട​സ്ഥാ​പ​ന​ങ്ങ​ൾ​ക്കു മു​ന്പി​ൽ ടാ​ക്സി വാ​ഹ​ന​ങ്ങ​ൾ ഇ​ടു​ന്ന​തി​നെ​തി​രേ വ്യാ​പാ​രി വ്യ​വ​സാ​യി സ​മി​തി​യും രം​ഗ​ത്തു വ​ന്നു. ടാ​ക്സി വാ​ഹ​ന​ങ്ങ​ൾ നി​ശ്ച​യി​ച്ച സ്ഥ​ല​ത്ത് അ​ല്ല പാ​ർ​ക്ക് ചെ​യ്യു​ന്ന​തെ​ന്നും ഇ​ത് വ​ലി​യ പ്ര​തി​സ​ന്ധി സ്യ​ഷ്ടി​ക്കു​ന്നു​വെ​ന്നും വ്യാ​പാ​രി​ക​ൾ പ​റ​ഞ്ഞു.

കോ​ട​തി വി​ധി​യി​ലൂടെ ക​ഴി​ഞ്ഞ ദി​വ​സ​മാ​ണ് പേ​ട്ട​ക്ക​വ​ല​യി​ലെ ടാ​ക്സി സ്റ്റാ​ൻ​ഡു​ക​ൾ മാ​റ്റി സ്ഥാ​പി​ക്കാ​ൻ തീ​രു​മാ​നി​ച്ച​ത്. സ്റ്റാ​ൻ​ഡു​ക​ൾ മാ​റ്റി സ്ഥാ​പി​ക്കുന്ന കാര്യത്തിൽ ശാ​ശ്വ​ത പ​രി​ഹാ​ര​മു​ണ്ടാ​ക​ണ​മെ​ന്ന് ടാ​ക്സി ഡ്രൈ​വ​ർ​മാ​ർ പ​റ​യു​ന്നു.

2018 മു​ത​ൽ കാ​ഞ്ഞി​ര​പ്പ​ള്ളി​യി​ൽ ന​ട​പ്പി​ലാ​ക്കാ​ൻ ഉ​ദ്ദേ​ശി​ക്കു​ന്ന​താ​ണ് ഗ​താ​ഗ​ത പ​രി​ഷ്ക്കാ​രം. എ​ന്നാ​ൽ, തീ​രു​മാ​ന​ങ്ങ​ൾ എ​ടു​ക്കു​ന്ന​ത​ല്ലാ​തെ നടപ്പിലാക്കുവാൻ ഇ​തു​വ​രെ അ​ധികൃ​ത​ർ​ക്ക് ക​ഴി​ഞ്ഞി​ട്ടി​ല്ല. ഗ​താ​ഗ​ത​ക്കു​രു​ക്കി​ൽ പൊ​റു​തിമു​ട്ടി​യ കാ​ഞ്ഞി​ര​പ്പ​ള്ളി​യി​ലെ ജ​ന​ങ്ങ​ളുടെ ദുരിതം ഇനിയും നീളും.ഇത്തിരി പ്രയാസമാ…