കണ്ണൂർ: ചക്കരക്കൽ പോലീസ് സ്റ്റേഷൻ പരിധിയിലെ മണിക്കീൽ റോഡിലെ കനാലിൽ യുവാവിന്‍റെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ കണ്ടെത്തി.
ഇന്നു രാവിലെയാണ് ചാക്കിൽ കെട്ടിയ നിലയിൽ മൃതദേഹം കണ്ടെത്തിയത്. പോലീസ് സ്ഥലത്തെത്തി പരിശോധന നടത്തുകയാണ്.
മൂന്നു ദിവസം മുന്പ് ചക്കരക്കല്ലിൽ നിന്ന് യുവാവിനെ ദുരൂഹ സാഹചര്യത്തിൽ കാണാതായ യുവാവിന്‍റെ മൃതദേഹമാണോ എന്ന സംശയം ഉയരുന്നുണ്ട്.
എന്നാൽ പോലീസ് ഇക്കാര്യം സ്ഥിരീകരിച്ചിട്ടില്ല. യുവാവിന്‍റെ ചെരിപ്പ് കഴിഞ്ഞ ദിവസം കുട്ടിക്കുന്നുമ്മൽ മൊട്ടയ്ക്ക് സമീപത്തെ ആളൊഴിഞ്ഞ പറന്പിൽ നിന്നും കണ്ടെത്തിയിരുന്നു.
ഇതേ തുടർന്ന് ഡോഗ് സ്ക്വാഡും പോലീസും പരിശോധന നടത്തിയിരുന്നു.
