കണ്ണൂർ: കക്കാട് അജ്ഞാത മൃതദേഹം കണ്ടെത്തി. കക്കാട് ലക്ഷ്മണൻ കടയ്ക്കു സമീപമുള്ള ബസ്‌സ്റ്റോപ്പിനോടു ചേർന്നാണ് 65 വയസ് പ്രായം തോന്നിക്കുന്ന പുരുഷന്‍റെ മൃതദേഹം ഇന്നു രാവിലെ കണ്ടത്. വെളുത്തു മെലിഞ്ഞ ശരീരം, കാവിമുണ്ടും നീല ഫുൾകൈ ഷർട്ടുമാണ് വേഷം.
നരച്ച താടി. മുടി പിറകിൽ അല്പം നീട്ടിവളർത്തിയ നിലയിലാണ്. ഷർട്ടിന്‍റെ കോളറിൽ രാഘവ് ടൈലേഴ്സ് കണ്ണൂർ ലേബൽ പതിച്ചിട്ടുണ്ട്. നാട്ടുകാർ വിവരമറിയിച്ചതിനെ തുടർന്ന് അഗ്നിശമനസേന എത്തിയാണ് മൃതദേഹം ജില്ലാ ആശുപത്രിയിലേക്കു മാറ്റിയത്.
കൊലപാതകമാണോ, അപകട മരണമാണോ എന്ന അന്വേഷണത്തിലാണ് പോലീസ്. മൃതദേഹം തിരിച്ചറിയുന്നവർ ടൗൺ സ്റ്റേഷനുമായി ബന്ധപ്പെടണമെന്ന് എസ്ഐ എൻ. പ്രജീഷ് അറിയിച്ചു.
