കണ്ണൂർ: പാനൂർ വടക്കേ പൊയിലൂർ കുരുടൻകാവ് ഭഗവതി ക്ഷേത്രത്തിൽ ആന ഇടഞ്ഞു. ആറാട്ട് മഹോത്സവത്തിന്‍റെ ഭാഗമായുള്ള എഴുന്നള്ളത്തിനിടെയാണ് ആന ഇടഞ്ഞത്. ആനപ്പുറത്തുണ്ടായിരുന്ന പൂജാരി അത്ഭുതകരമായി രക്ഷപ്പെട്ടു.
ചൊവ്വാഴ്ച രാത്രി 11.30 നാണ് സംഭവം. ആനപ്പുറത്തുണ്ടായിരുന്ന പൂജാരി തലനാരിഴക്ക് രക്ഷപെട്ടു. ഉത്സവത്തിൽ പങ്കെടുക്കുന്നതിനായി ധാരാളം ഭക്തർ എത്തിയിരുന്നു. എഴുന്നള്ളത്തിനിടെയാണ് ആന ഇടഞ്ഞത്. ഇടഞ്ഞ കൊമ്പന്റെ പുറത്തുണ്ടായിരുന്ന ക്ഷേത്ര പൂജാരി മരത്തിൽ തൂങ്ങി രക്ഷപ്പെടാൻ നോക്കി പക്ഷേ താഴേക്ക് വീണു. തുടർന്ന് ഓടി രക്ഷപ്പെടുകയായിരുന്നു. മണിക്കൂറുകളോളം ആന പരിഭ്രാന്തി സൃഷ്ടിച്ചു.
മൂന്ന് ആനകളാണ് എഴുന്നള്ളത്തിന് ഉണ്ടായിരുന്നത്. ഇതിൽ ഒരു ആന, ഇടഞ്ഞ ആനയെ ആക്രമിച്ചതാണ് സംഭവത്തിന് തുടക്കമിട്ടതെന്ന് നാട്ടുകാർ പറഞ്ഞു. എലിഫന്‍റ് സ്‌ക്വാഡ് എത്തി ആനയെ തളച്ച ശേഷം വേങ്ങേരിയിലെ ആനത്തറിയിലേക്ക് മാറ്റി.
