പ്രേക്ഷകർ ഇരു കെെയ്യും നീട്ടി സ്വീകരിച്ച മമ്മൂട്ടിയുടെ ‘കണ്ണൂർ സ്ക്വാഡ്’ രാജ്യത്തിനു പുറത്ത് കളക്ഷൻ വാരി കൂട്ടുകയാണ്. മമ്മൂട്ടി കമ്പനി നിർമ്മിച്ച നാലാമത്തെ ചിത്രമാണ് കണ്ണൂർ സ്ക്വാഡ്. സെപ്തംബര്‍ 28നാണ് കണ്ണൂർ സ്ക്വാഡ് റിലീസ് ചെയ്തത്.
ആഗോള ബോക്സോഫീസില്‍ 70 കോടിയിലേക്ക് കടക്കാൻ പോകുന്ന ചിത്രം ഇതുവരെ ജിസിസി ബോക്സോഫീസില്‍ 3 മില്ല്യണ്‍ യുഎസ് ഡോളര്‍ കളക്ഷന്‍ നേടിയെന്നാണ് റിപ്പോർട്ട്.
പ്രമുഖ മൂവിട്രാക്കറായ ഫോറം കേരളത്തിന്‍റെ ലിസ്റ്റ് പ്രകാരം പ്രേമം, പുലിമുരുകന്‍, ലൂസിഫര്‍, കുറുപ്പ്, ഭീഷ്മ പര്‍വ്വം, 2018, കണ്ണൂര്‍ സ്ക്വാഡ് എന്നീ മലയാള ചിത്രങ്ങളാണ് ജിസിസിയില്‍ മൂന്ന് മില്ല്യണ്‍ പിന്നിട്ടിരിക്കുന്നത്. ട്വിറ്ററിലൂടെയാണ് ഈ കാര്യം അറിയിച്ചത്. പോസ്റ്റ് കാണാൻ ഇവിടെ ക്ലിക് ചെയ്യുക.
ജി.സി.സി, യു എസ്, യു കെ ഉൾപ്പെടെ മറ്റു വിദേശ രാജ്യങ്ങളിലും മികച്ച കളക്ഷനും ഫാസ്റ്റ് ഫില്ലിംഗ് ഷോകളുമായി മുന്നേറുകയാണ് കണ്ണൂർ സ്ക്വാഡ്.
