തീൻമേശയിൽ താരമായി കപ്പ! പച്ച കപ്പ കിലോയ്ക്ക് വില 45 രൂപ, ഉണങ്ങിയതിന് 75..!  ക​പ്പ​യ്ക്ക് കൂ​ടു​ത​ൽ ഡി​മാ​ൻ​ഡു​ണ്ടാ​കാ​ൻ കാരണം എന്താണെന്ന് കണ്ടോ!

കു​മ​ര​കം: മ​ല​യാ​ളി​ക​ളു​ടെ ഇ​ഷ്ട വി​ഭ​വ​ങ്ങ​ളി​ൽ പ്ര​ധാ​ന​പ്പെ​ട്ട ക​പ്പ​യു​ടെ വി​ല​യി​ൽ റി​ക്കാ​ർ​ഡ് വ​ർ​ധ​ന. വി​ല കൂ​ടു​ന്ന​തി​നൊ​പ്പം ല​ഭ്യ​ത​യും കു​റ​യു​ന്നു.

ഒ​രു കി​ലോ പ​ച്ച ക​പ്പ​യ്ക്ക് കു​മ​ര​കം മാ​ർ​ക്ക​റ്റി​ൽ 45 രൂ​പ​യാ​ണ് വി​ല. ചി​ല​യി​ട​ങ്ങ​ളി​ൽ ഇ​ത് 50 രൂ​പ വ​രെ​യാ​ണ്. ഇ​തോ​ടെ ക​പ്പ വി​ഭ​വ​ങ്ങ​ൾ ക​ഴി​ക്ക​ണ​മെ​ങ്കി​ൽ പ​ണ​ചെ​ല​വേ​റുമെന്നായി.

ഡിമാൻഡ് കൂടി
ക​ഴി​ഞ്ഞ വ​ർ​ഷം ഒ​രു കി​ലോ ക​പ്പ​യ്ക്ക് 10 രു​പാ മു​ത​ൽ 20 രൂ​പ​വ​രെ​യാ​യി​രു​ന്നു സീ​സ​ണി​ൽ വി​ല​യു​ണ്ടാ​യി​രു​ന്ന​ത്. വി​ല​ക്കു​റ​വി​നൊ​പ്പം ആ​വ​ശ്യ​ക്കാ​ർ കു​റ​ഞ്ഞ​തും ക​പ്പ​ ക​ർ​ഷ​ക​ർ​ക്ക് എ​റെ ക​ഷ്ടന​ഷ്ട​ങ്ങ​ളു​ണ്ടാ​കാ​ൻ ഇ​ട​യാ​ക്കു​ക​യും ചെ​യ്തു.

ഇ​തോ​ടെ പ​ല ക​ർ​ഷ​ക​രും ഈ ​വ​ർ​ഷം ക​പ്പ​കൃ​ഷി ഉ​പേ​ക്ഷി​ച്ചു. മ​റ്റു കൃ​ഷി​ക​ൾ ചെ​യ്യു​ക​യാ​ണ് ഒ​ട്ടു​മി​ക്ക ക​ർ​ഷ​ക​രും. ഇ​താ​ണ് ക​പ്പ​യ്ക്ക് കൂ​ടു​ത​ൽ ഡി​മാ​ൻ​ഡു​ണ്ടാ​കാ​ൻ കാ​ര​ണ​മാ​യ​ത്.

മാ​സ​ങ്ങ​ളോ​ളം 20 രൂ​പ വി​ല​യ്ക്കാ​യി​രു​ന്നു ക​പ്പ ചെ​റു​കി​ട ക​ച്ച​വ​ട​ക്കാ​ർ വി​റ്റി​രു​ന്ന​ത്. പി​ന്നീ​ട​ത് 25, 30, 40 എ​ന്നി​ങ്ങ​നെ ഉ​യ​ർ​ന്നു. ഇ​പ്പോ​ൾ 45 രൂ​പ​യ്്ക്കാ​ണ് വി​ൽ​പ​ന.

ക​ഴി​ഞ്ഞ വ​ർ​ഷം​വ​രെ എ​ങ്ങ​നെ​യെ​ങ്കി​ലും വി​റ്റ​ഴി​ക്കാ​ൻ പാ​ടു​പെ​ട്ടി​രു​ന്ന പ​ച്ച​ക്ക​പ്പ ഉ​ണ​ക്കി വി​ല്ക്കാ​ൻ ക​ർ​ഷ​ക​ർ ശ്ര​മി​ച്ചെ​ങ്കി​ലും ഡി​മാ​ൻ​ഡി​ല്ലാ​ത്ത​തി​നാ​ൽ ഗു​ണം ചെ​യ്തി​ല്ല.

ക​ഴി​ഞ്ഞ വ​ർ​ഷം ക​പ്പ​ക്കൃ​ഷി വ്യാ​പ​ക​മാ​യ​തോ​ടെ​യാ​ണ് വി​ല​യി​ടി​ഞ്ഞ​ത്. ഇ​തോ​ടെ ക​ർ​ഷ​ക​രെ​ല്ലാം ക​പ്പ ഉ​ണ​ക്കി സൂ​ക്ഷി​ച്ചു.

ഉണക്ക കപ്പ
ക​ഴി​ഞ്ഞ വ​ർ​ഷ​ത്തെ ദു​ര​നു​ഭ​വം മൂ​ലം ഇ​ക്കു​റി കൃ​ഷി​യും കു​റ​ച്ചു. ക​പ്പ ഉ​ണ​ങ്ങി കാ​ര്യ​മാ​യി സൂ​ക്ഷി​ച്ചു​മി​ല്ല. അ​തി​നാ​ൽ ഉ​ണ​ക്ക ക​പ്പ​യ്ക്കും ഡി​മാ​ൻ​ഡ് കൂ​ടി.

ക​ഴി​ഞ്ഞ ത​വ​ണ ചു​ളു വി​ല​യ്ക്ക് എ​ടു​ത്തു​വ​ച്ച ഉ​ണ​ക്ക ക​പ്പ ഇ​ര​ട്ടി വി​ല​യ്ക്കാ​ണ് ക​ട​ക​ളി​ൽ വി​ൽ​ക്കു​ന്ന​ത്. പു​തി​യ ഉ​ണ​ക്ക ക​പ്പ​യു​ടെ സ്റ്റോ​ക്ക് എ​ത്തു​ന്നി​ല്ല. 75 രൂ​പ​യ്ക്കാ​ണ് നി​ല​വി​ൽ ഉ​ണ​ക്ക ക​പ്പ വി​ൽ​ക്കു​ന്ന​ത്.