കറാച്ചി: ദുബായില്‍നിന്ന് അമൃത്സറിലേക്കു പുറപ്പെട്ട എയര്‍ ഇന്ത്യ വിമാനം പാക്കിസ്ഥാനില്‍ അടിയന്തരമായി ഇറക്കി. കറാച്ചിയിലാണു വിമാനം ഇറക്കിയത്. യാത്രക്കാരനു പെട്ടെന്ന് ആരോഗ്യപ്രശ്‌നമുണ്ടായതിനാൽ വൈദ്യസഹായം നൽകാനായിരുന്നു അടിയന്തര ലാൻഡിംഗ്.
യാത്രക്കാരന് വൈദ്യസഹായം ലഭ്യമാക്കിയശേഷം വിമാനം അമൃത്സറിലേക്കു യാത്ര തുടർന്നുവെന്ന് എയർ ഇന്ത്യ വക്താവ് അറിയിച്ചു. കറാച്ചി വിമാനത്താവള അധികൃതരുടെ അടിയന്തര പ്രതികരണത്തിനും സഹായത്തിനും നന്ദി അറിയിക്കുന്നുവെന്നും വക്താവ് കൂട്ടിച്ചേർത്തു.
