ക്രിസ്മസ്ദിനത്തിൽ മകൻ തൈമൂർ ആലിഖാനോടൊപ്പം കരീന ബാന്ദ്രയിലെ മൗണ്ട് മേരി ദേവാലയത്തിൽ എത്തിയത് വലിയ ചർച്ചയായിരുന്നു. താരത്തിന്‍റ നല്ല പ്രവൃത്തിയിൽ പ്രശംസിച്ച് നിരവധി പേർ രംഗത്തെത്തിയിരുന്നു. ഇപ്പേഴിതാ നടിയ്ക്കെതിരേ സോഷ്യൽ മീഡിയയിൽ രൂക്ഷ വിമർശനം ഉയരുകയാണ്.
പള്ളിയിൽ നിന്ന് മടങ്ങി വരവെ ഒരു ചെറിയ പെണ്‍കുട്ടി കരീനയുടെ കാലുകളിൽ വീണ് ഭിക്ഷ യാചിക്കുന്നുണ്ടായിരുന്നു. എന്നാൽ ഇത് ശ്രദ്ധിക്കാതെ താരം നടന്നു പോകുകയായിരുന്നു. ഇതിന്‍റെ ദ്യശ്യങ്ങളും വീഡിയോയും സോഷ്യൽ മീഡിയയിൽ പ്രചരിച്ചതോടെയാണ് നടിക്കെതിരേ രൂക്ഷ വിമർശനം ഉയരുന്നത്.
നല്ല തിരക്കുള്ള സമയത്തായിരുന്നു കരീനയും മകനും പള്ളിയിൽ നിന്ന് പുറത്തുവന്നത്. ജനത്തിരക്ക് കൂടുന്നതിനു മുൻപ് കാറിനടുത്തേക്ക് തിടുക്കത്തിൽ തീങ്ങുന്നതിനിടെയാണ് ഒരു ചെറിയ പെണ്‍കുട്ടി താരത്തിന്‍റെ കാലുകളിൽ പിടിച്ച് ഭിക്ഷ യാചിച്ചത്. എന്നാൽ ഇത് ശ്രദ്ധിക്കാതെ നടി കാറിന് അരുകിലേക്ക് പോകുകയായിരുന്നു. അവിടെ ഉണ്ടായിരുന്ന ഒരു പോലീസ് ഉദ്യോഗസ്ഥ കുട്ടിയെ പിടിച്ച് മാറ്റുന്നുണ്ടായിരുന്നു.
ഇതിന്‍റെ വീഡിയോ പുറത്തു വന്നതോടെ താരത്തിനെതിരേ രൂക്ഷ വിമർശനവുമായി ജനങ്ങൾ രംഗത്തത്തുകയായിരുന്നു. തൈമൂറിനെ പോലെയൊരു കുട്ടിയല്ലേ അതും. ഇങ്ങനെയാണോ മകന് മാത്യക കാണിച്ചു കൊടുക്കുന്നത്. താരത്തിന് മനുഷ്യത്വമുണ്ടോ എന്ന തരത്തിലുള്ള ചോദ്യങ്ങളാണ് ഉയരുന്നത്. ക്രിസ്മസ് ദിനത്തിൽ മകനും അമ്മയ്ക്കുമൊപ്പമാണ് താരം ബാന്ദ്രയിലെ പള്ളിയിൽ എത്തിയത്.
