“ഇരയോടൊപ്പം നിന്നവർക്ക് ‘ കൂട്ട സ്ഥലംമാറ്റം;  കാർഷിക സർവകലാശാലയിൽ സ്ത്രീ​പീ​ഡ​ന​ങ്ങ​ൾ പു​റം​ലോ​ക​ത്തെ​ത്തി​ച്ച ജീ​വ​ന​ക്കാ​രെയും  അ​ഴി​മ​തി ചോദ്യംചെയ്തവരെയും സ്ഥലംമാറ്റി

സ്വ​ന്തം ലേ​ഖ​ക​ൻ

തൃ​ശൂ​ർ: കാ​ർ​ഷി​ക സ​ർ​വ​ക​ലാ​ശാ​ല​യി​ൽ ന​ട​ന്ന സ്ത്രീ​പീ​ഡ​ന​ങ്ങ​ൾ പു​റം​ലോ​ക​ത്തെ​ത്തി​ച്ച ജീ​വ​ന​ക്കാ​ർ​ക്ക് കൂ​ട്ട സ്ഥ​ലം​മാ​റ്റം. സ​ർ​വ​ക​ലാ​ശാ​ല​യി​ലെ അ​ഴി​മ​തി പു​റ​ത്തു​കൊ​ണ്ടു​വ​ന്ന​വ​രെ​യും സ്ഥ​ലം​മാ​റ്റി​യി​ട്ടു​ണ്ട്.

എ​ട​പ്പാ​ളി​ൽ കു​ട്ടി​യെ പീ​ഡി​പ്പി​ച്ച​യാ​ളെ പു​റം ലോ​ക​ത്തി​ന് കാ​ണി​ച്ചു​കൊ​ടു​ത്ത തി​യ​റ്റ​ർ ഉ​ട​മ​യെ അ​റ​സ്റ്റു​ചെ​യ്ത ന​ട​പ​ടി നി​യ​മ​സ​ഭ​യി​ല​ട​ക്കം ബ​ഹ​ള​ത്തി​നും നാ​ണ​ക്കേ​ടി​നും കാ​ര​ണ​മാ​യ സ​ന്ദ​ർ​ഭ​ത്തി​ലാ​ണ് കാ​ർ​ഷി​ക സ​ർ​വ​ക​ലാ​ശാ​ല​യി​ലെ പീ​ഡ​ന​ങ്ങ​ളി​ൽ ഇ​ര​യോ​ടൊ​പ്പം നി​ന്ന​വ​ർ​ക്ക് സ്ഥ​ലം മാ​റ്റ​ത്തി​ലൂ​ടെ “ശി​ക്ഷ’ ന​ൽ​കി​യി​രി​ക്കു​ന്ന​ത്. വെ​ള്ളാ​യ​ണി, ത​വ​നൂ​ർ, അ​ന്പ​ല​വ​യ​ൽ കാ​ന്പ​സു​ക​ളി​ലു​ള്ള​വ​ർ​ക്കെ​തി​രെ​യാ​ണ് ന​ട​പ​ടി.

ത​വ​നൂ​ർ കാ​ർ​ഷി​ക എ​ൻ​ജി​നി​യ​റിം​ഗ് കോ​ള​ജി​ലെ ഒ​രു അ​ധ്യാ​പ​ക​ന്‍റെ നി​ര​ന്ത​ര​മാ​യ സ്ത്രീ​പീ​ഡ​ന​ങ്ങ​ൾ പു​റ​ത്തു കൊ​ണ്ടു​വ​ന്ന പ്ര​ഫ​സ​റും മൂ​ന്ന് ക്ലാ​സ് ത്രീ ​ജീ​വ​ന​ക്കാ​രും സ്ഥ​ലം​മാ​റ്റം ല​ഭി​ച്ച​വ​രി​ലു​ണ്ട്. മ​ന്ത്രി​യു​ടെ പാ​ർ​ട്ടി​യു​ടെ സം​ഘ​ട​ന​യി​ൽ പെ​ട്ട​യാ​ളെ​യും സ്ഥ​ലം മാ​റ്റി. കാ​ന്പ​സു​ക​ളി​ൽ തു​ട​രെ​യു​ണ്ടാ​കു​ന്ന സ്ത്രീ​പീ​ഡ​ന​ങ്ങ​ൾ പു​റ​ത്തു​കൊ​ണ്ടു​വ​രു​ന്ന​തി​ലു​ള്ള വൈ​രാ​ഗ്യ​മാ​ണ് സ്ഥ​ലം മാ​റ്റ​ത്തി​നു പി​ന്നി​ലെ​ന്ന് ആ​രോ​പ​ണ​മു​യ​ർ​ന്നു​ക​ഴി​ഞ്ഞു.

മൂ​ന്നു മാ​സം​മു​ന്പ് ത​വ​നൂ​ർ കോ​ള​ജി​ലെ ഒ​രു അ​ധ്യാ​പ​ക​ൻ താ​ൽ​ക്കാ​ലി​ക ഒ​ഴി​വി​ൽ ജോ​ലി ന​ൽ​കാ​മെ​ന്നു പ​റ​ഞ്ഞ് ഒ​രു വ​നി​താ ഉ​ദ്യോ​ഗാ​ർ​ഥി​യെ പീ​ഡി​പ്പി​ക്കാ​ൻ ശ്ര​മി​ച്ചി​രു​ന്നു. ജോ​ലി കി​ട്ട​ണ​മെ​ങ്കി​ൽ ത​ന്നെ വേ​ണ്ട​പോ​ലെ കാ​ണ​ണ​മെ​ന്നാ​യി​രു​ന്നു പ്ര​ഫ​സ​റു​ടെ ആ​വ​ശ്യം. തു​ട​ർ​ന്ന് യു​വ​തി മു​ഖ്യ​മ​ന്ത്രി​ക്കും മ​റ്റു അ​ധി​കാ​രി​ക​ൾ​ക്കും പ​രാ​തി ന​ൽ​കി.

ഈ ​സം​ഭ​വ​ത്തി​ൽ അ​ന്വേ​ഷ​ണ ക​മ്മീ​ഷ​നെ നി​യോ​ഗി​ച്ചെ​ങ്കി​ലും റി​പ്പോ​ർ​ട്ട് ഇ​തു​വ​രെ പു​റ​ത്തു വ​ന്നി​ട്ടി​ല്ല. ഈ ​വി​ഷ​യ​ത്തി​ൽ യു​വ​തി​ക്കൊ​പ്പം നി​ന്നു​വെ​ന്ന ആ​രോ​പ​ണം ക​ണ​ക്കി​ലെ​ടു​ത്താ​ണ് അ​സി​സ്റ്റ​ന്‍റ് പ്ര​ഫ​സ​റെ​യും ജീ​വ​ന​ക്കാ​ര​നെ​യും സ്ഥ​ലം​മാ​റ്റി​യ​തെ​ന്നു പ​റ​യു​ന്നു.

കാ​ർ​ഷി​ക സ​ർ​വ​ക​ലാ​ശാ​ല​യു​ടെ അ​ന്പ​ല​വ​യ​ൽ കേ​ന്ദ്ര​ത്തി​ൽ കൃ​ഷി​മ​ന്ത്രി​യു​ടെ നേ​തൃ​ത്വ​ത്തി​ൽ ഓ​ർ​ക്കി​ഡ് ഫെ​സ്റ്റി​വ​ൽ ന​ട​ത്തി​യ​തു​മാ​യി ബ​ന്ധ​പ്പെ​ട്ട അ​ഴി​മ​തി പു​റ​ത്തു​കൊ​ണ്ടു​വ​ന്ന​ഉ​ദ്യോ​ഗ​സ്ഥ​ർ​ക്കും സ്ഥ​ലം​മാ​റ്റം കി​ട്ടി. പൂ​പ്പൊ​ലി​യെ​ന്ന പേ​രി​ൽ ന​ട​ത്തി​യ പ​രി​പാ​ടി​യി​ൽ വ​ൻ അ​ഴി​മി​തി​യാ​ണു ന​ട​ന്ന​തെ​ന്ന് ജീ​വ​ന​ക്കാ​ർ​ത​ന്നെ പ​റ​യു​ന്നു.

വെ​ള്ളാ​യ​ണി കാ​ർ​ഷി​ക കോ​ള​ജി​ൽ ഡ​യ​റി ഫാ​മി​ലെ അ​ഴി​മ​തി​യും സ്ത്രീ​പീ​ഡ​ന​വും ക്ലാ​സ് ഫോ​ർ ജീ​വ​ന​ക്കാ​രു​ടെ നി​യ​മ​ന​വു​മാ​യി ബ​ന്ധ​പ്പെ​ട്ട പ​രീ​ക്ഷാ ചോ​ദ്യ​പേ​പ്പ​ർ ചോ​ർ​ത്തി​യ​തും പു​റം​ലോ​ക​ത്തെ അ​റി​യി​ച്ച ജീ​വ​ന​ക്കാ​ര​നും സ്ഥ​ലം​മാ​റ്റി​യ​വ​രി​ൽ ഉ​ൾ​പ്പെ​ടു​ന്നു.