ക​റു​പ്പാ​യി​ക്ക് എ​ന്ത് കോ​വി​ഡ്? എ​ന്ത് പ്രോ​ട്ടോ​ക്കോ​ൾ? ഒ​രു​ത​വ​ണ​പോ​ലും മാ​സ്കു ധ​രി​ച്ചി​ട്ടി​ല്ല; വീ​ട്ടി​ൽ അ​ട​ങ്ങി​യൊ​തു​ങ്ങി ക​ഴി​ഞ്ഞി​ട്ടി​ല്ല… ക​റു​പ്പാ​യിയുടെ വിശേഷങ്ങള്‍…

മൂ​ന്നാ​ർ: ലോ​കം മു​ഴു​വ​ൻ കോ​വി​ഡി​ന്‍റെ തീ​വ്ര​ത​യി​ൽ ഒ​തു​ങ്ങി​ക്ക​ഴി​യു​ന്പോ​ഴും ക​റു​പ്പാ​യി ഇ​തൊ​ന്നും അ​റി​ഞ്ഞ മ​ട്ടി​ല്ല.

പ​തി​റ്റാ​ണ്ടു​ക​ളാ​യി മൂ​ന്നാ​ർ ടൗ​ണി​ലെ ക​ട​ത്തി​ണ്ണ​ക​ളി​ൽ അ​ന്തി​യു​റ​ങ്ങു​ന്ന ക​റു​പ്പാ​യി ഒ​രു​ത​വ​ണ​പോ​ലും മാ​സ്കു ധ​രി​ച്ചി​ട്ടി​ല്ല. വീ​ട്ടി​ൽ അ​ട​ങ്ങി​യൊ​തു​ങ്ങി ക​ഴി​ഞ്ഞി​ട്ടി​ല്ല.

കോ​വി​ഡ് ടെ​സ്റ്റ് ന​ട​ത്തി​യി​ട്ടി​ല്ല. വാ​ക്സി​നേ​ഷ​നും എ​ടു​ത്തി​ട്ടി​ല്ല. പ​ടി​ക്കു​പു​റ​ത്തു നി​ർ​ത്തു​വാ​ൻ വീ​ടി​ല്ലാ​ത്ത​തി​നാ​ൽ കോ​വി​ഡും പ്രോ​ട്ടോ​ക്കോ​ളു​മെ​ല്ലാം ത​ന്‍റെ വ​രു​തി​യി​ലാ​ക്കി മൂ​ന്നാ​ർ ടൗ​ണി​ൽ ത​ന്നെ​യാ​ണ് ക​റു​പ്പാ​യി ജീ​വി​തം ക​ഴി​ച്ചു​കൂ​ട്ടു​ന്ന​ത്.

ഉ​റ്റ​വ​രും ഉ​ട​യ​വ​രു​മി​ല്ലാ​തെ ക​ഴി​യു​ന്ന ക​റു​പ്പാ​യി​ക്ക് ആ​കെ കൂ​ട്ടി​നു​ള്ള​ത് ടൗ​ണി​ൽ അ​ല​ഞ്ഞു​തി​രി​യു​ന്ന നാ​യ്ക്കൂ​ട്ട​മാ​ണ്.

മ​നു​ഷ്യ​രോ​ട് സം​സാ​രി​ക്കു​വാ​ൻ വി​മു​ഖ​ത കാ​ട്ടു​ന്ന ക​റു​പ്പാ​യി ആ​ശ​യ​വി​നി​മ​യം ന​ട​ത്തു​ന്ന​ത് ഈ ​നാ​യ്ക്കൂ​ട്ട​ത്തി​നോ​ടു മാ​ത്ര​മാ​ണ്.

പെ​ട്ട​ന്ന് ക്ഷോ​ഭി​ക്കു​ന്ന പ്ര​കൃ​ത​മു​ള്ള​തി​നാ​ൽ ആ​രും അ​ങ്ങോ​ട്ടു​ചെ​ന്ന് സം​സാ​രി​ക്കാ​ൻ ത​യാ​റാ​കു​ക​യു​മി​ല്ല.

ലോ​ക്ക് ഡൗ​ണി​ൽ ഭ​ക്ഷ​ണ​ശാ​ല​ക​ളി​ൽ​നി​ന്നും പാ​ർ​സ​ലാ​യി ആ​ഹാ​രം ല​ഭി​ക്കു​ന്ന​തി​നാ​ൽ പ​ട്ടി​ണി​യി​ല്ലാ​തെ ക​ഴി​ഞ്ഞു​പോ​കു​ന്നു.

പ​തി​റ്റാ​ണ്ടി​ല​ധി​ക​മാ​യി ക​റു​പ്പാ​യി​യു​ടെ ജീ​വി​തം ഇ​ങ്ങ​നെ​ത​ന്നെ​യാ​ണ്. ജ​ന​ന​തീ​യ​തി ഒ​ന്നും അ​റി​യി​ല്ലെ​ങ്കി​ലും തൊ​ണ്ണൂ​റി​ല​ധി​കം പ്രാ​യ​മു​ണ്ടെ​ന്നാ​ണ് ക​റു​പ്പാ​യി​യെ പ​ണ്ടു​മു​ത​ലേ കാ​ണു​ന്ന പ​ഴ​മ​ക്കാ​ർ പ​റ​യു​ന്ന​ത്.

ക​ട​ത്തി​ണ്ണ​ക​ളി​ൽ അ​ന്തി​യു​റ​ങ്ങു​ന്ന ക​റു​പ്പാ​യി ആ​രെ​ങ്കി​ലു​മൊ​ക്കെ ന​ൽ​കു​ന്ന പ​ണം​കൊ​ണ്ടാ​ണ് ജീ​വി​തം മു​ന്നോ​ട്ടു ത​ള്ളി​നീ​ക്കു​ന്ന​ത്.

ഇ​ട​യ്ക്ക് ചി​ല സ​ന്ന​ദ്ധ പ്ര​വ​ർ​ത്ത​ക​ർ ക​റു​പ്പാ​യി​യെ ന​ല്ല വ​സ്ത്ര​മൊ​ക്കെ അ​ണി​യി​ച്ച് വൃ​ദ്ധ​സ​ദ​ന​ത്തി​ലെ​ത്തി​ക്കു​വാ​നു​ള്ള ശ്ര​മ​ങ്ങ​ൾ ന​ട​ത്തി​യെ​ങ്കി​ലും വി​ഫ​ല​മാ​യി.

പ്രാ​യ​ത്തി​ന്‍റെ അ​വ​ശ​ത​ക​ൾ ത​ള​ർ​ത്തി​തു​ട​ങ്ങി​യ ശ​രീ​ര​വു​മാ​യി ചാ​ക്കു​പു​ത​ച്ചാ​ണ് ഇ​പ്പോ​ൾ രാ​ത്രി​യി​ൽ ഉ​റ​ങ്ങു​ന്ന​ത്.

ഇ​ത്ത​ര​ത്തി​ൽ ഉ​റ​ങ്ങു​ന്ന​തി​നി​ട​യി​ൽ ഒ​രി​ക്ക​ൽ മ​ര​ണ​മു​ഖ​ത്തു​നി​ന്നു ക​റു​പ്പാ​യി ര​ക്ഷ​പെ​ട്ടി​ട്ടു​ണ്ട്.

ക​ഴി​ഞ്ഞ​വ​ർ​ഷം നാ​ട് ലോ​ക്ക് ഡൗ​ണ്‍ ആ​യ​പ്പോ​ൾ നാ​ട്ടി​ലി​റ​ങ്ങി​യ കാ​ട്ടാ​ന ക​റു​പ്പാ​യി കി​ട​ക്കു​ന്ന​തി​നു തൊ​ട്ട​രി​കി​ൽ​കൂ​ടി​യാ​ണ് ക​ട​ന്നു​പോ​യ​തെ​ങ്കി​ലും ക​റു​പ്പാ​യി ര​ക്ഷ​പെ​ടു​ക​യാ​യി​രു​ന്നു.