വിഴിഞ്ഞം: പയറ്റുവിളയിൽ സഹോദരൻമാർക്ക് കുത്തേറ്റ സംഭവത്തിൽ രണ്ട് പേരെ വിഴിഞ്ഞം പോലീസ് അറസ്റ്റ് ചെയ്തു. പയറ്റുവിള എസ്എസ്.ഭവനിൽ സുജീഷ് രാജ് (28), അജീഷ് രാജ് (26) എന്നിവർക്കാണ് ഇന്നലെ വൈകുന്നേരം പയറ്റുവിള ജംഗ്ഷനിൽ വച്ച് കുത്തേറ്റത്.
വിഴിഞ്ഞം പയറ്റുവിള സ്വദേശികളായ ദിലീപ് (22), സുജിത്ത് (20) എന്നിവരാണ് അറസ്റ്റിലായത്. കേസിൽ ആറോളം പ്രതികളുണ്ടെന്ന് പോലീസ് പറഞ്ഞു. മുൻ വൈരാഗ്യമാണ് സംഘർഷത്തിന് കാരണം. ഗുരുതരമായി കുത്തേറ്റ സുജീഷും അജീഷും മെഡിക്കൽ കോളജാശുപത്രിയിൽ ചികിത്സയിലാണ്.
