കൊച്ചി: നഗരമധ്യത്തില്‍ യുവാവിനു കുത്തേറ്റു. സംഭവശേഷം ഓടിരക്ഷപ്പെട്ട പള്ളുരുത്തി സ്വദേശിക്കായി പോലീസ് അന്വേഷണം ഊര്‍ജിതമാക്കി.
ഇന്നg രാവിലെ 6.30-ന് കലൂര്‍ കെ.കെ റോഡിനു സമീപത്തായിരുന്നു സംഭവം. അമ്പലമുകള്‍ അമൃത കോളനിയില്‍ താമസിക്കുന്ന അഖില്‍(24)നാണ് കത്തിക്കുത്തിൽ ഗുരുതരമായി പരിക്കേറ്റത്.
ഇയാളെ എറണാകുളം മെഡിക്കല്‍ട്രസ്റ്റ് ആശുപത്രിയില്‍ പ്രവേശിപ്പിച്ചു. അഖിലിനൊപ്പം ഇറച്ചിക്കടയില്‍ ജോലി ചെയ്യുന്ന പള്ളുരുത്തി സ്വദേശി സംഭവത്തിനു ശേഷം ഓടി രക്ഷപ്പെട്ടതായി എറണാകുളം നോര്‍ത്ത് പോലീസ് പറഞ്ഞു.
വഴിയരികില്‍ കാത്തുനിന്ന ഇയാള്‍ അഖിലിനെ കത്തിക്കൊണ്ട് കുത്തുകയായിരുന്നു. ഇറച്ചിക്കടയില്‍ ഉണ്ടായ പ്രശ്‌നമാണ് കത്തിക്കുത്തില്‍ കലാശിച്ചതെന്ന് പോലീസ് പറഞ്ഞു.
