![](https://www.rashtradeepika.com/library/uploads/2020/02/blood-crime-arrest.jpg)
മാവേലിക്കര: വഴിത്തര്ക്കത്തെ തുടര്ന്ന് യുവാവിനെ അയല്വാസി വെട്ടിപ്പരിക്കേല്പ്പിച്ചു. കഴിഞ്ഞ ചൊവ്വാഴ്ച രാത്രി പത്തോടെ ഓലകെട്ടിയമ്പലത്തിലെ ബാറിനു കിഴക്കുഭാഗത്തായിരുന്നു സംഭവം.
ഓലകെട്ടിയമ്പലം തണ്ടാന്റെ വടക്കതില് അനീഷി29)നാണ് വെട്ടേറ്റത്. സമീപവാസിയായ ജയഭവനത്തില് അജേഷ് (33) സംഭവത്തില് കുറത്തികാട് പോലീസിന്റെ പിടിയിലായി.
അജേഷിന്റെ പിതൃസഹോദരന്റെ വസ്തുവിലൂടെ അനീഷ് സഞ്ചരിച്ചതിനെ തുടര്ന്നുണ്ടായ തര്ക്കമാണ് ആക്രമണത്തില് കലാശിച്ചത്. വെട്ടുകത്തി ഉപയോഗിച്ച് നടത്തിയ ആക്രമണത്തില് അനീഷിന്റെ ഇടതുചെവിയുടെ ഭാഗത്തും വലതുകണ്ണിന് മുകളിലും പരിക്കേറ്റിട്ടുണ്ട്.
സംഭവത്തിനു ശേഷം അജേഷിനെ അയാളുടെ വീട്ടില് നിന്ന് പോലീസ് അറസ്റ്റുചെയ്തു. പ്രതിയെ കോടതിയില് ഹാജരാക്കി റിമാന്ഡ് ചെയ്തതായി പോലീസ് അറിയിച്ചു. ആക്രമണത്തില് പരിക്കേറ്റ അനീഷ് കായംകുളം ജില്ലാ ആശുപത്രിയില് ചികിത്സയിലാണ്.