കഴക്കൂട്ടം : വീടിന് മുമ്പിൽ മദ്യപിച്ചത് ചോദ്യം ചെയ്ത ഗൃഹനാഥനെ കൊലപ്പെടുത്താൻ ശ്രമിച്ച രണ്ടുപേർ അറസ്റ്റിൽ. ഗുരുതരമായി പരിക്കേറ്റ നൗഷാദ് (43)നെ ആശുപത്രിയിൽ ചികിത്സയിലാണ്.
സംഭവത്തിൽ ചാന്നാങ്കര ദേശത്ത് പഴഞ്ചിറ മണക്കാട്ട് വീട്ടിൽ ഷിജു (34) പഴഞ്ചിറ ശ്രീനിലയത്തിൽ അരുൺകുമാർ (41) എന്നിവരെ കഠിനംകുളം പോലീസ് അറസ്റ്റ് ചെയ്തു.കഴിഞ്ഞ ദിവസം രാത്രി പത്തേമുക്കാലോടെയാണ് കേസിനാസ്പദമായ സംഭവം.
സ്ഥിരമായി വീടിന്‍റെ മുമ്പിലിരുന്ന് മദ്യപിച്ചിരുന്ന പ്രതികളെ നൗഷാദ് വിലക്കിയതിനുള്ള വൈരാഗ്യമാണ് കത്തിക്കുത്തിൽ കലാശിച്ചതെന്ന് പോലീസ് പറഞ്ഞു. കഠിനംകുളം സി ഐ അൻസാരി,എസ്ഐ സാജു തുടങ്ങിയവരുടെ നേതൃത്വത്തിലാണ് പ്രതികളെ പിടികൂടിയത്.
