സൽമാന് പ്രശ്നമില്ല… പക്ഷേ സല്ലുവിന്‍റെ ആരാധകർ കത്രീനയെ വെറുതെ വിടുന്ന മട്ടില്ല. ഇങ്ങനെയൊക്കെ ചെയ്യാൻ ഇതിനുമാത്രം താൻ എന്തു ചെയ്തുവെന്നാണ് കത്രീന ചോദിക്കുന്നത്. ദബാങ് പ്രമോഷന്റെ ഭാഗമായി കാനഡയിൽ എത്തിയപ്പോഴാണ് അനിഷ്ട സംഭവങ്ങൾ അരങ്ങേറിയത്.
കത്രീനയോട് വളരെ മോശമായിട്ടാണ് സൽമാൻ ആരാധകർ പെരുമാറിയത്. വാൻകൂവറിലെ ലൈവ് പ്രകടനത്തിനു ശേഷം തിരിച്ചു പോകാനായി കാറിൽ കയറുന്ന കത്രീനയെ ഒരു സത്രീ പരിഹസിച്ചു. താരത്തിനെ പരിഹസിക്കുന്ന വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.
ഞങ്ങൾക്ക് നിങ്ങളോടൊപ്പം ചിത്രങ്ങൾ എടുക്കേണ്ടഎന്ന് പറഞ്ഞാണ് ഒരു സ്ത്രീ കത്രീനയെ പരിഹസിക്കുന്നത്. ഇതൊക്കെ പോട്ടെയെന്നുവയ്ക്കാം, ജനങ്ങൾ കൂകി വിളിക്കുക കൂടി ചെയ്താലോ…
താരത്തിന് ദേഷ്യം വന്നുവെങ്കിലും നിങ്ങൾ കാണിക്കുന്നത് മോശമാണെന്നുംതാൻ ഇപ്പോൾ തന്നെ ക്ഷീണിതയാണെന്നും പറഞ്ഞാണ് നടി അവിടെ നിന്നു മാറിയത്. സല്ലുവിന്‍റെ ആരാധികയാണ് താനെന്ന് പരിഹസിച്ച സ്ത്രീ വീഡിയോയിൽ വ്യക്തമാക്കുന്നുണ്ട്.
