കുറച്ചു നാളുകളായി താമസിക്കാൻ ഒരു വീടു കണ്ടെത്താനുള്ള ഓട്ടത്തിലായിരുന്നു കത്രീന. ഒടുവിൽ മനസിനു പിടിച്ച വീടുതന്നെ താരം കണ്ടെത്തി. തന്‍റെ ഫേസ്ബുക്ക് പേജിലൂടെയാണ് കത്രീന തന്‍റെ പുത്തൻ വീടിന്‍റെ വിശേഷങ്ങൾ പുറത്തുവിട്ടത്. തീർന്നില്ല, പുതിയ വീടു കാണാൻ ആരാധകർക്ക് എപ്പോൾ വേണമെങ്കിലും കയറിച്ചെല്ലാമെന്നും കത്രീന പറയുന്നു.
തന്‍റെ പുതിയ വീട്ടിലെ സോഫയിൽ നിറഞ്ഞ പുഞ്ചിരിയുമായി ഇരിക്കുന്ന ഫോട്ടോയും കത്രീന പോസ്റ്റ് ചെയ്തു. പുതിയൊരു സ്ഥലം സ്വന്തമാക്കിയിരിക്കുന്നു, വിലാസം തന്നാൽ നിങ്ങൾ എന്നെ സന്ദർശിക്കാൻ വരുമോ എന്നൊരു ചോദ്യവും അടിക്കുറിപ്പായി നൽകിയിരിക്കുന്നു.രണ്‍ബീർ കപൂറുമായി പിരിഞ്ഞതിനുശേഷമാണ് കത്രീന പുതിയൊരു വീടിനുവേണ്ടിയുള്ള അന്വേഷണം തുടങ്ങിയത്. തന്‍റെ പുതിയ ചിത്രമായ ടൈഗർ സിന്താ ഹേ എന്ന സിനിമയിൽ അഭിനയിച്ചുകൊണ്ടിരിക്കുകയാണ് കത്രീന ഇപ്പോൾ. മുൻ കാമുകൻ സൽമാൻ ഖാനാണ് ചിത്രത്തിലെ നായകൻ
