വിനോദ സഞ്ചാരികളുടെ കാറിന് മുകളിൽ കയറി ഇരുന്ന കാട്ടാന കാർ തകർക്കുവാൻ ശ്രമിക്കുന്നതിന്‍റെ ഞെട്ടിക്കുന്ന ദൃശ്യങ്ങൾ പുറത്ത്. തായ്ലൻഡിലെ കാഹു യായ് നാഷണൽ പാർക്കിലാണ് സംഭവം.
കാടിനുള്ളിലുടെ സഞ്ചരിക്കുകയായിരുന്ന കാർ ആനയെ കണ്ടപ്പോൾ ഡ്രൈവർ നിർത്തിയിരുന്നു. കാറിന്‍റെ സമീപമെത്തിയ ആന അതിന് മുകളിൽ കയറി ഇരുന്ന് തകർക്കുവാൻ ശ്രമിച്ചു. ആന കാറിന് മുകളിൽ നിന്നും എഴുന്നേറ്റപ്പോൾ മാത്രമാണ് ഡ്രൈവർക്ക് കാറുമായി മുൻപോട്ട് പോകുവാൻ സാധിച്ചത്.
ഈ കാറിന് മുൻപിലുണ്ടായിരുന്ന മറ്റൊരു വാഹനത്തിൽ സഞ്ചരിച്ചവരാണ് ഈ ദൃശ്യങ്ങൾ പകർത്തിയത്. കാറിനുള്ളിലുണ്ടായിരുന്നവർക്ക് പരിക്കുകളൊന്നുമില്ലെന്നാണ് റിപ്പോർട്ടുകൾ സൂചിപ്പിക്കുന്നത്.
