കോഴിക്കോട്: ആനക്കാം പൊയില്‍ തേന്‍പാറയ്ക്ക് സമീപം ആളൊഴിഞ്ഞ കൃഷിയിടത്തിലെ കിണറ്റില്‍ കാട്ടാന വീണ നിലയില്‍. ഇന്നലെ രാത്രിയോടെയാണ് സംഭവം. സോളാര്‍ സെന്‍സറിംഗിനെത്തിയ ഉദ്യോഗസ്ഥരാണ് കാട്ടാന കിണറ്റില്‍ അകപ്പെട്ടതായി കണ്ടെത്തിയത്.
തുടര്‍ന്ന വനംവകുപ്പ് ഉദ്യോഗസ്ഥരെ വിവരമറിയിക്കുകയായിരുന്നു. ഇന്നു രാവിലെ ജെസിബി ഉള്‍പ്പെടെ എത്തി കിണറ്റില്‍ നിന്നും കയറ്റാനുള്ള ശ്രമം തുടരുകയാണ്.
ഏറെ താഴ്ചയുള്ള കിണറാണിത്. കോട്ടൂളി സ്വദേശിയായ ഷാജി ഏബ്രഹാം എന്നയാളുടെ ഉമസ്ഥതയിലാണ് ഈ കൃഷിയിടം. ഈ ഭാഗത്ത് നേരത്തെയും കാട്ടാനശല്യം ഉള്ളതായി പരാതി ഉയര്‍ന്നിരുന്നു.
