നാട്ടുകാരെ ആശങ്കയിലാക്കി പാ​ല​പ്പി​ള്ളി​യി​ൽ വീ​ണ്ടും കാ​ട്ടാ​നക്കൂട്ടം; ആ​ന​ത്താ​രി​ക​ളു​ടെ റൂ​ട്ട് മാ​പ്പ് ത​യാ​റാക്കാൻ വനംവകുപ്പ്

പാ​ല​പ്പി​ള്ളി: മേ​ഖ​ല​യി​ൽ ഒ​രാ​ഴ്ച​ക്ക് ശേ​ഷം വീ​ണ്ടും കാ​ട്ടാ​ന​ക​ൾ ഇ​റ​ങ്ങി. പാ​ല​പ്പി​ള്ളി മൈ​സൂ​ർ ഭാ​ഗ​ത്തു​ള്ള പു​ഴ​യി​ലും തോ​ട്ട​ത്തി​ലു​മാ​ണ് കാ​ട്ടാ​ന​ക്കൂ​ട്ട​ത്തെ ക​ണ്ട​ത്.​

ഇന്നലെ രാ​വി​ലെ ടാ​പ്പിം​ഗി​ന് എ​ത്തി​യ തൊ​ഴി​ലാ​ളി​ക​ളാ​ണ് ആ​ന​ക​ളെ ക​ണ്ട​ത്. കു​ട്ടി​ക​ൾ ഉ​ൾ​പ്പ​ടെ 15 ഓ​ളം ആ​ന​ക​ളാ​ണ് തോ​ട്ട​ത്തി​ൽ ത​ന്പ​ടി​ച്ചി​രി​ക്കു​ന്ന​ത്.

പാ​ല​പ്പി​ള്ളി ജ​ന​വാ​സ മേ​ഖ​ല​യി​ൽ ക​ഴി​ഞ്ഞ​യാ​ഴ്ച്ച ഇ​റ​ങ്ങി​യ ഒ​രു കൂ​ട്ടം ആ​ന​ക​ളെ വ​നം വ​കു​പ്പ് കാ​ടു​ക​യ​റ്റി​യി​രു​ന്നു. 50 ഓ​ളം ആ​ന​ക​ളാ​ണ് പ​ല കൂ​ട്ട​ങ്ങ​ളാ​യി അ​ന്ന് ഉ​ണ്ടാ​യി​രു​ന്ന​ത്.

ക​ഴി​ഞ്ഞ ദി​വ​സ​ങ്ങ​ളി​ൽ പ്ര​ദേ​ശ​ത്ത് കാ​ട്ടാ​ന ശ​ല്യം ഉ​ണ്ടാ​യി​രു​ന്നി​ല്ല. വീ​ണ്ടും കാ​ട്ടാ​ന​ക​ൾ എ​ത്തി​യ​തോ​ടെ നാ​ട്ടു​കാ​ർ ആ​ശ​ങ്ക​യി​ലാ​ണ്.

അ​തേസ​മ​യം കാ​ട്ടാ​ന​ക​ൾ സ്ഥി​ര​മാ​യി എ​ത്തു​ന്ന ആ​ന​ത്താ​രി​ക​ളു​ടെ റൂ​ട്ട് മാ​പ്പ് ത​യാ​റാ​ക്കാ​നു​ള്ള ഒ​രു​ക്ക​ത്തി​ലാ​ണ് വ​നം വ​കു​പ്പ്.​ ഡി​ജി​റ്റ​ലാ​യി ത​യ്യാ​റാ​ക്കു​ന്ന റൂ​ട്ട്മാ​പ്പ് ഡി​എ​ഫ്ഒ​യ്ക്ക് കൈ​മാ​റാ​നു​ള്ള ഒ​രു​ക്ക​ത്തി​ലാ​ണ് വ​ന​പാ​ല​ക​ർ.

കാ​ട്ടാ​ന​ക​ളെ തു​ര​ത്താ​ൻ വ​യ​നാ​ട്ടി​ൽ നി​ന്ന് വാ​ച്ച​ർ​മാ​രെ എ​ത്തി​ക്കു​ന്ന​തി​നു​ള്ള ന​ട​പ​ടി​യും പു​രോ​ഗ​മി​ക്കു​ക​യാ​ണ്.

ആ​ന​ക​ളു​ടെ സ​ഞ്ചാ​ര പാ​ത ഉ​ൾ​പ്പെ​ടു​ന്ന റൂ​ട്ട് മാ​പ്പ് ത​യ്യാ​റാ​ക്കി വ​യ​നാ​ട​ൻ വാ​ച്ച​ർ​മാ​ർ​ക്ക് ന​ൽ​കി​യാ​ൽ അ​ത് അ​വ​ർ​ക്ക് ഗു​ണ​ക​ര​മാ​വു​മെ​ന്ന​തി​നാ​ലാ​ണ് പ്ര​വ​ർ​ത്ത​ന​ങ്ങ​ൾ വേ​ഗ​ത്തി​ലാ​ക്കു​ന്ന​തെ​ന്ന് റേ​ഞ്ച് ഓ​ഫീ​സ​ർ പ്രേം ​ഷ​മീ​ർ അ​റി​യി​ച്ചു.