കാ​ട്ടാ​ന​ക​ളെ തു​ര​ത്താ​ൻ സ്വ​കാ​ര്യ​തോ​ട്ട​ത്തി​ൽ സ്ഥാ​പി​ച്ച സോ​ളാ​ർ സാ​ങ്കേ​തി​ക​വി​ദ്യയും ഫ​ലം കണ്ടില്ല 

വ​ട​ക്ക​ഞ്ചേ​രി: കി​ഴ​ക്ക​ഞ്ചേ​രി മ​ല​യോ​ര​മേ​ഖ​ല​യി​ൽ പീ​ച്ചി​കാ​ട്ടി​ൽ നി​ന്നെ​ത്തു​ന്ന കാ​ട്ടാ​ന​ക​ളെ തു​ര​ത്താ​ൻ പ​രീ​ക്ഷ​ണാ​ടി​സ്ഥാ​ന​ത്തി​ൽ സ്വ​കാ​ര്യ​തോ​ട്ട​ത്തി​ൽ സ്ഥാ​പി​ച്ച സോ​ളാ​ർ സാ​ങ്കേ​തി​ക​വി​ദ്യ ഉ​ദ്ദേ​ശി​ച്ച ഫ​ലം കാ​ണാ​തെ പ​രാ​ജ​യ​പ്പെ​ട്ടു.ഇ​ത് സ്ഥാ​പി​ച്ച പ​ത്തോ ഇ​രു​പ​തോ മീ​റ്റ​ർ ദൂ​ര​പ​രി​ധി​യി​ൽ ആ​ന എ​ത്തു​ന്ന​ത് നി​യ​ന്ത്രി​ക്കാ​മെ​ന്ന​ല്ലാ​തെ ഇ​തി​ൽ​നി​ന്നു​ള്ള ശ​ബ്ദം​കേ​ട്ട് ആ​ന​ക​ൾ പേ​ടി​ച്ചോ​ടു​ന്ന സ്ഥി​തി​യു​ണ്ടാ​യി​ല്ല.

ഇ​ക്ക​ഴി​ഞ്ഞ ജൂ​ണ്‍ ആ​ദ്യ​ത്തി​ലാ​ണ് കെ.​ഡി.​പ്ര​സേ​ന​ൻ എം​എ​ൽ​എ​യു​ടെ സാ​ന്നി​ധ്യ​ത്തി​ൽ ക​ണി​ച്ചി​പ്പ​രു​ത​യ്ക്ക​ടു​ത്ത് പാ​ല​ക്കു​ഴി റോ​ഡി​നു താ​ഴെ ക​ന്നി​മേ​രി എ​സ്റ്റേ​റ്റി​ൽ സോ​ളാ​റി​ൽ പ്ര​വ​ർ​ത്തി​ക്കു​ന്ന ആ​നി​മ​ൽ റി​പ്പ​ല്ല​ന്‍റ് എ​ന്ന നൂ​ത​ന സാ​ങ്കേ​തി​ക​വി​ദ്യ സ്ഥാ​പി​ച്ച​ത്.ഇ​തി​നു സ​മീ​പം കാ​ട്ടു​മൃ​ഗ​ങ്ങ​ളെ​ത്തി​യാ​ൽ ഉ​ട​നേ കാ​ട്ടു​ക​ട​ന്ന​ലി​ന്‍റെ​യും ക​ടു​വ​യു​ടെ​യും ശ​ബ്ദം ഇ​ട​ക​ല​ർ​ന്ന ഭീ​തി​പ്പെ​ടു​ത്തു​ന്ന വ​ലി​യ ശ​ബ്ദം പു​റ​പ്പെ​ടു​വി​ക്കും.

ഇ​തി​നൊ​പ്പം ചു​വ​പ്പു​നി​റ​ത്തി​ലും വെ​ള്ള​നി​റ​ത്തി​ലും ര​ണ്ട് ഫ്ളാ​ഷ് ലൈ​റ്റും തി​ള​ങ്ങും. ആ​ന​ക​ൾ​ക്ക് കാ​ട്ടി​ൽ പേ​ടി​യു​ള്ള ര​ണ്ടി​ന​ങ്ങ​ളാ​ണ് ക​ടു​വ​യും കാ​ട്ടു​ക​ട​ന്ന​ലും എ​ന്ന വ​നം​വ​കു​പ്പി​ന്‍റെ ക​ണ്ടെ​ത്ത​ൽ കൂ​ടി പ​രി​ഗ​ണി​ച്ചാ​ണ് പാ​ല​ക്കാ​ട്ടെ ഒ​രു സ്വ​കാ​ര്യ ഏ​ജ​ൻ​സി ഇ​ത്ത​രം ഒ​രു സം​വി​ധാ​നം വി​ക​സി​പ്പി​ച്ചെ​ടു​ത്ത​ത്. എ​ന്നാ​ൽ ഇ​തി​ലും വ​ലി​യ ശ​ബ്ദം കേ​ട്ടി​രി​ക്കു​ന്നു എ​ന്ന മ​ട്ടി​ലാ​ണ് തു​ട​ർ​ന്നു​ള്ള ദി​വ​സ​ങ്ങ​ളി​ലും ആ​ന​ക്കൂ​ട്ട​ങ്ങ​ൾ തോ​ട്ട​ങ്ങ​ളി​ലെ​ത്തി കൊ​ണ്ടി​രി​ക്കു​ന്ന​ത്.

മു​ന്പ് രാ​ത്രി​കാ​ല​ങ്ങ​ളി​ൽ മാ​ത്രം വ​ന്നി​രു​ന്ന ആ​ന​ക​ൾ ഇ​പ്പോ​ൾ രാ​പ​ക​ൽ​വ്യ​ത്യാ​സ​മി​ല്ലാ​തെ​യാ​ണ് ജ​ന​ങ്ങ​ളു​ടെ യാ​ത്ര മു​ട​ക്കി പാ​ല​ക്കു​ഴി റോ​ഡി​ലും തോ​ട്ട​ങ്ങ​ളി​ലും ക​റ​ങ്ങു​ന്ന​ത്. ആ​ന​ശ​ല്യം രൂ​ക്ഷ​മാ​യി​രു​ന്ന പൊ​ള്ളാ​ച്ചി ആ​ന​മ​ല ഭാ​ഗ​ത്ത് ഈ ​സം​വി​ധാ​നം സ്ഥാ​പി​ച്ച​തി​നു​ശേ​ഷം ആ​ന​യി​റ​ങ്ങി​യി​ല്ലെ​ന്ന് പ​റ​യു​ന്നു. എ​ന്നാ​ൽ പീ​ച്ചി​കാ​ട്ടി​ലെ ആ​ന​ക​ൾ​ക്ക് ഈ ​പേ​ടി​പ്പെ​ടു​ത്ത​ലൊ​ന്നും പ്ര​ശ്ന​മാ​യി തോ​ന്നി​യി​ട്ടി​ല്ല. ഇ​തി​ന്‍റെ ശ​ബ്ദം ഇ​ഷ്ട​പ്പെ​ട്ട മ​ട്ടി​ലാ​ണ് ഇ​പ്പോ​ൾ ആ​ന​ക​ൾ ഇ​ട​യ്ക്കി​ടെ എ​ത്തു​ന്ന​ത്.

ഇ​ത് സ്ഥാ​പി​ച്ച​തി​നു​ശേ​ഷ​മാ​ണ് ഒ​രാ​ഴ്ച​മു​ന്പ് ഇ​വി​ട​ത്തെ ഫോ​റ​സ്റ്റ് വാ​ച്ച​റേ​യും ക​ർ​ഷ​ക​രെ​യും ആ​ന ഓ​ടി​ച്ച സം​ഭ​വ​മു​ണ്ടാ​യ​ത്. ആ​ന​യെ തു​ര​ത്താ​ൻ വ​നാ​തി​ർ​ത്തി​ക​ളി​ൽ പൂ​ർ​ണ​മാ​യും സോ​ളാ​ർ ഫെ​ൻ​സിം​ഗ് ന​ട​ത്താ​തെ മ​റ്റു എ​ളു​പ്പ​വ​ഴി​ക​ളി​ല്ലെ​ന്നാ​ണ് അ​നു​ഭ​വ​ങ്ങ​ളി​ലൂ​ടെ ക​ർ​ഷ​ക​ർ പ​റ​യു​ന്ന​ത്. വേ​ലി സ്ഥാ​പി​ച്ച് അ​തി​ന്‍റെ പ​രി​ച​ര​ണ​വും അ​റ്റ​കു​റ്റ​പ്പ​ണി​ക​ളും യ​ഥാ​സ​മ​യം ന​ട​ത്ത​ണം.അ​ത​ല്ലെ​ങ്കി​ൽ വ​നാ​തി​ർ​ത്തി​ക​ളി​ൽ ട്ര​ഞ്ച് കു​ഴി​ക്ക​ണം.

ഇ​ത് പൂ​ർ​ണ​മാ​യും പ്രാ​യോ​ഗി​ക​വു​മ​ല്ല. പാ​റ​ക്കൂ​ട്ട​ങ്ങ​ൾ ഉ​ള്ള പ്ര​ദേ​ശ​ത്ത് ട്ര​ഞ്ച് കു​ഴി​ക്ക​ൽ എ​ളു​പ്പ​മ​ല്ല. പ​നം​കു​റ്റി ഭാ​ഗ​ത്ത് നാ​ല​ര കി​ലോ​മീ​റ്റ​രോ​ളം ദൂ​രം സോ​ളാ​ർ ഫെ​ൻ​സിം​ഗി​ന്‍റെ പ​ണി ന​ട​ന്നു​വ​രു​ന്നു​ണ്ട്. പാ​ല​ക്കു​ഴി​ക്കും സോ​ളാ​ർ​വേ​ലി പൂ​ർ​ത്തി​യാ​ക്ക​ണം. ആ​ന​യേ​യും മ​റ്റു വ​ലി​യ കാ​ട്ടു​മൃ​ഗ​ങ്ങ​ളെ​യും തു​ര​ത്താ​നു​ള്ള ചെ​ല​വു കു​റ​ഞ്ഞ​രീ​തി​യും ഇ​തു​ത​ന്നെ​യാ​ണ്.