പാ​ല​ക്കു​ഴി റോ​ഡി​ൽ കാ​ട്ടാ​ന വി​ള​യാ​ട്ടം​ തു​ട​രു​ന്നു; ആ​നക്കൂട്ട​ത്തെ കാ​ട്ടി​ലേ​ക്ക് ക​യ​റ്റി വി​ടാ​ൻ വ​നം വ​കു​പ്പ് അ​ടി​യ​ന്തി​ര ന​ട​പ​ടി സ്വീ​ക​രി​ക്ക​ണ​മെ​ന്ന്  നാട്ടുകാർ

വ​ട​ക്ക​ഞ്ചേ​രി: പാ​ല​ക്കു​ഴി റോ​ഡി​ലും കാ​ട്ടാ​ന​ക​ളു​ടെ വി​ള​യാ​ട്ടം. ക​ണി​ച്ചി​പ​രു​ത​യി​ൽ നി​ന്നും മ​ല​യോ​ര പ്ര​ദേ​ശ​മാ​യ പാ​ല​ക്കു​ഴി​യി​ലേ​ക്കു​ള്ള റോ​ഡി​ൽ താ​ണി​ച്ചു​വ​ട് ഭാ​ഗ​ത്താ​ണ് ആ​ന​ക​ൾ ടാ​ർ റോ​ഡി​ൽ നി​ല​യു​റ​പ്പി​ച്ച് വാ​ഹ​ന​യാ​ത്ര​ക്കാ​രെ ഭ​യ​പ്പെ​ടു​ത്തു​ന്ന​ത്.

വൈ​കു​ന്നേ​ര​ത്തോ​ടെ റോ​ഡി​ൽ ക​യ​റു​ന്ന ആ​ന​ക​ൾ ചി​ല ദി​വ​സ​ങ്ങ​ളി​ൽ പി​റ്റേ ദി​വ​സം പു​ല​ർ​ച്ചെ​വ​രെ റോ​ഡി​ലും സ​മീ​പ​ത്തു​മാ​യി ക​റ​ങ്ങും. ഇ​തി​നാ​ൽ രാ​ത്രി സ​മ​യം റോ​ഡി​ലൂ​ടെ യാ​ത്ര ചെ​യ്യാ​ൻ ക​ഴി​യാ​ത്ത സ്ഥി​തി​യാ​ണ് പാ​ല​ക്കു​ഴി​ക്കാ​ർ​ക്ക് .ക​ണി​ച്ചി പ​രു​ത​യി​ൽ നി​ന്ന​ല്ലാ​തെ പാ​ല​ക്കു​ഴി​ക്ക് മ​റ്റു​റോ​ഡി​ല്ലാ​ത്ത​തും മ​ല​യോ​ര​വാ​സി​ക​ളെ ഭീ​തി​യി​ലാ​ക്കു​ന്നു​ണ്ട്.

ജോ​ലി​ക്ക് പോ​യി രാ​ത്രി തി​രി​ച്ച് വീ​ട്ടി​ലേ​ക്ക് വ​രേ​ണ്ട​വ​രും അ​തി​രാ​വി​ലെ കു​ട്ടി​ക​ൾ​ക്ക് ട്യൂ​ഷ​ന് പോ​കു​ന്ന​തി​നും പ​ത്ര​വി​ത​ര​ണ​ത്തി​നും ക്ഷീ​ര ക​ർ​ഷ​ക​ർ​ക്കു​മെ​ല്ലാം ആ​ന​യി​റ​ക്കം പേ​ടി സ്വ​പ്ന​മാ​യി​രി​ക്കു​ക​യാ​ണ്.​ഒ​രു ചെ​റി​യ കു​ട്ടി ഉ​ൾ​പ്പെ​ടെ​യു​ള്ള കൂ​ട്ട​മാ​ണ് താ​ണി​ച്ചു​വ​ട്ടി​ലു​ള്ള​ത്.

പാ​ത്ര​ക​ണ്ടം വ​ന​ഭാ​ഗ​ങ്ങ​ളി​ൽ ആ​ന​ക​ൾ എ​ത്താ​റു​ണ്ടെ​ങ്കി​ലും പാ​ല​ക്കു​ഴി റോ​ഡി​ൽ ആ​ന​ക​ൾ എ​ത്തു​ന്ന​ത് ആ​ദ്യ​മാ​ണെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. ക​ണി​ച്ചി​പ​രു​ത​ക്ക​ടു​ത്ത് ത​ന്നെ കൈ​ത​ക്ക​ൽ ഉ​റ​വ​യി​ലും ആ​ന​യി​റ​ങ്ങി കൃ​ഷി നാ​ശം തു​ട​രു​ക​യാ​ണ്.​ ആ​നക്കൂട്ട​ത്തെ കാ​ട്ടി​ലേ​ക്ക് ക​യ​റ്റി വി​ടാ​ൻ വ​നം വ​കു​പ്പ് അ​ടി​യ​ന്തി​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യ​മു​യ​ർ​ന്നി​ട്ടു​ള്ള​ത്.