ട്രക്ക് കാട്ടാന ആക്രമിക്കുന്നതിന്‍റെ ഭീതിജനകമായ ദൃശ്യങ്ങൾ പുറത്ത്. കർണാടകയിലാണ് സംഭവം. റോഡിൽ കാട്ടാനയെ കണ്ട് ഭയന്ന ഡ്രൈവർ മനസാന്നിധ്യം കൈവിടാതെ വാഹനം പുറകിലേക്ക് ഓടിച്ചു. എന്നാൽ ഓടിയെത്തിയ കാട്ടാന വാഹനത്തിന്‍റെ മുൻവശം മുഴുവൻ കുത്തിപ്പൊളിക്കുകയായിരുന്നു.
വാഹനത്തിലുണ്ടായിരുന്ന ഒരാളാണ് ഈ ദൃശ്യങ്ങൾ പകർത്തിയത്. ഡ്രൈവറുടെ അവസരോചിതമായ ഇടപെടീലിനെ തുടർന്നാണ് ആർക്കും പരിക്ക് സംഭവിക്കാതിരുന്നത്. കാട്ടാനയുടെ ആക്രമണത്തിന്‍റെ ദൃശ്യങ്ങൾ ഇതിനോടകം തന്നെ വൈറലായി മാറിയിരിക്കുകയാണ്.
