ഒരു കാലത്ത് മലയാള സിനിമയിലെ സ്വപ്‌നറാണിയായിരുന്നു കാവ്യാമാധവന്‍. കാവ്യയുടെ നായകനാകാന്‍ നടന്മാര്‍ മത്സരിച്ചിരുന്ന സമയമുണ്ടായിരുന്നു. മലയാളത്തിലെ ഒട്ടുമിക്ക നടന്മാരുടെയും നായികയാകാനുള്ള ഭാഗ്യവും കാവ്യയ്ക്കു ലഭിച്ചു. എന്നാല്‍ കഴിഞ്ഞ ഏതാനും വര്‍ഷങ്ങളായി കാവ്യയ്ക്ക് മലയാളത്തില്‍ വേണ്ടത്ര അവസരങ്ങള്‍ ലഭിക്കുന്നില്ല. ഇതിന്റെ കാരണവും ഇപ്പോള്‍ കാവ്യ തന്നെ വ്യക്തമാക്കുകയാണ്
്‌സിനിമയില്‍ നിന്നും വിട്ടുനില്‍ക്കാന്‍ കാരണം പുതിയ നായകന്മാര്‍ക്ക് തന്നെ വേണ്ടാത്തതു കൊണ്ടാണെന്ന സത്യമാണ് കാവ്യ ഇപ്പോള്‍ തുറന്നു പറഞ്ഞിരിക്കുന്നത്. പുതിയ സംവിധായകരും മുതിര്‍ന്ന സംവിധായകരുമൊക്കെ തിരക്കഥകളുമായി തന്നെ സമീപിക്കാറുണ്ടെന്നും പക്ഷെ താത്പര്യമുള്ള കഥകള്‍ ഇല്ലാത്തതു കൊണ്ട് താന്‍ ഇടവേളയെടുത്തിരിക്കുകയാണെന്നും കാവ്യ പറയുന്നു.
സമീപകാലത്ത് കാവ്യാ മാധവന്‍ ചെയ്ത സിനിമകളൊന്നും വേണ്ട വിധത്തില്‍ ശ്രദ്ധിക്കപ്പെട്ടിരുന്നില്ല. ഏറെ നാളത്തെ ഇടവേളയ്ക്ക് ശേഷം ചെയ്ത ഷീ ടാക്‌സി പരാജയമായിരുന്നു. പിന്നീട് ഇറങ്ങിയ ആകാശവാണിയ്ക്കും പ്രതീക്ഷിച്ച വിജയം കൈവരിക്കാനായില്ല.അടൂര്‍ഗോപാലകൃഷ്ണന്‍ സംവിധാനം ചെയ്ത പിന്നെയും എന്ന ചിത്രത്തിലാണ് കാവ്യ ഏറ്റവുമൊടുവില്‍ അഭിനയിച്ചത്. നിരൂപക ശ്രദ്ധ നേടിയെങ്കിലും ചിത്രം സാമ്പത്തികമായി വേണ്ടത്ര വിജയിച്ചില്ല.
