സ്ഥ​ല​വും കെ​ട്ടി​ട​വു​മി​ല്ല; അ​ട​ച്ചു​പൂ​ട്ട​ൽ ഭീ​ഷ​ണി​യി​ൽ കാ​യം​കു​ളം ഗ​വ​. ഐ​ടി​ഐ

കാ​യം​കു​ളം: ന​ഗ​ര​സ​ഭ​യു​ടെ അ​ലം​ഭാ​വം കാ​ര​ണം കാ​യം​കു​ളം ഗ​വ​ണ്‍​മെ​ന്‍റ് ഐ​ടി​ഐ​ക്ക് പ​തി​ന​ഞ്ചു വ​ർ​ഷ​മാ​യി​ട്ടും സ്വ​ന്ത​മാ​യി കെ​ട്ടി​ട​മോ സ്ഥ​ല​മോയില്ല. ഇ​തു​മൂ​ലം ഐടിഐ ​അ​ട​ച്ചു​പൂ​ട്ട​ൽ ഭീ​ഷ​ണ​യി​ൽ. സ്വ​ന്ത​മാ​യി സ്ഥ​ല​വും കെ​ട്ടി​ട​വും അ​ടി​സ്ഥാ​ന സൗ​ക​ര്യ​ങ്ങ​ളും ഇ​ല്ലാ​ത്ത​തി​നാ​ൽ അ​ടു​ത്ത അ​ധ്യ​യ​നവ​ർ​ഷ​ത്തേ​ക്കു​ള്ള അ​ഡ്മി​ഷ​ൻ സ്വീ​ക​രി​ക്കേ​ണ്ട​തി​ല്ലെ​ന്ന് ഡ​യ​റ​ക്ട​ർ നി​ർ​ദേശം ന​ൽ​കി​യി​രി​ക്കു​ക​യാ​ണ്.

ഇ​തി​നു മു​മ്പ് നി​ര​വ​ധിത​വ​ണ ഡ​യ​റ​ക്ട​ർ നി​ർ​ദേശം ന​ൽ​കി​യെ​ങ്കി​ലും ജ​ന​പ്ര​തി​നി​ധി​ക​ളു​ടെ ഇ​ട​പെ​ട​ലി​നെത്തുട​ർ​ന്ന് വീ​ണ്ടും ഐടിഐ​ക്ക് പ്ര​വ​ർ​ത്ത​നാ​നു​മ​തി ന​ൽ​കു​ക​യാ​യി​രു​ന്നു. ഉ​ട​ൻ സ്ഥ​ലം ക​ണ്ടെ​ത്തി കെ​ട്ടി​ടം നി​ർ​മി​ക്കു​മെ​ന്ന ഉ​റ​പ്പി​ലാ​ണ് അ​ന്ന് ഡ​യ​റ​ക്ട​ർ അ​നു​മ​തി ന​ൽ​കി​യ​ത്. എ​ന്നാ​ൽ, ഉ​റ​പ്പ് പാ​ലി​ച്ചി​ല്ലെ​ന്ന് മാ​ത്ര​മ​ല്ല യാ​തൊ​രു അ​ടി​സ്ഥാ​ന സൗ​ക​ര്യ​വും ഇ​ല്ലാ​തെ​യാ​ണ് ഇ​പ്പോ​ൾ ഐ​ടിഐ ​പ്ര​വ​ർ​ത്തി​ച്ചു​വ​രു​ന്ന​ത്.

2009ല്‍ ​പ്ര​വ​ര്‍​ത്ത​നം ആ​രം​ഭി​ച്ച ഐ​ടി​ഐ ഇ​പ്പോ​ഴും ന​ഗ​ര​സ​ഭാവ​ക​ ഷോ​പ്പിം​ഗ്‌​ കോം​പ്ല​ക്സി​ലെ വ്യാ​പാ​ര​സ്ഥാ​പ​ന​ങ്ങ​ള്‍​ക്കി​ട​യി​ലെ ക​ട​മു​റി​ക​ളി​ല്‍ അ​ടി​സ്ഥാ​ന സൗ​ക​ര്യമി​ല്ലാ​തെ പ്ര​വ​ർ​ത്തി​ക്കു​ക​യാ​ണ്. ഇ​തു​മൂ​ലം വി​ദ്യാ​ർ​ഥി​ക​ളും ദു​രി​ത​ത്തി​ലാ​ണ്.ഐ​ടി​ഐക്കും ​സ്റ്റേ​ഡി​യ​ത്തി​നു​മാ​യി കെപി റോ​ഡി​നു സ​മീ​പ​ത്തെ വെ​ട്ട​ത്തേ​ത്ത് വ​യ​ൽ ഏ​റ്റെ​ടു​ക്കാ​ൻ ന​ഗ​ര​സ​ഭാ ഭ​ര​ണ​സ​മി​തി മൂന്നു കോ​ടി രൂ​പ ജി​ല്ലാ ഭ​ര​ണ​കൂ​ട​ത്തി​ന് അ​ട​ച്ചി​ട്ടു​ണ്ടെന്ന് ഓ​രോ ബ​ജ​റ്റി​ലും പ​റ​യാ​റു​ണ്ടെ​ങ്കി​ലും ന​ട​പ​ടി നീ​ളു​ക​യാ​ണ്.

2011 ലെ ​എ​ൽഡിഎ​ഫ്‌ സ​ർ​ക്കാ​രി​ന്‍റെ കാ​ല​ത്താ​ണ് കാ​യം​കു​ള​ത്ത് ഗ​വ​ണ്‍​മെ​ന്‍റ് ഐ​ടി​ഐ അ​നു​വ​ദി​ച്ച​ത്. ഐടിഐ ​അ​നു​വ​ദി​ച്ച​പ്പോ​ൾ സ്ഥ​ലം എ​ത്ര​യും​വേ​ഗം ഏ​റ്റെ​ടു​ത്തു ന​ല്‍​കു​മെ​ന്ന് അ​ന്ന​ത്തെ ന​ഗ​ര​സ​ഭാ സെ​ക്ര​ട്ട​റി ക​രാ​ര്‍ ഒ​പ്പി​ട്ടു സ​ര്‍​ക്കാ​രി​ന് ന​ൽ​കു​ക​യും ചെ​യ്തി​രു​ന്നു.ഈ ​ക​രാ​റി​ന്‍റെ അ​ടി​സ്ഥാ​ന​ത്തി​ലാ​ണ് താ​ത്കാലി​ക സം​വി​ധാ​ന​ത്തി​ല്‍ ന​ഗ​ര​സ​ഭാ ഷോ​പ്പിം​ഗ് കോ​പ്ല​ക്സി​ൽ ഐ​ടി​ഐ പ്ര​വ​ര്‍​ത്ത​നം തു​ട​ങ്ങി​യ​ത്. ഡ്രാ​ഫ്ട്‌​സ്മാ​ന്‍ സി​വി​ല്‍, ക​മ്പ്യൂ​ട്ട​ര്‍ ഓ​പ്പ​റേ​റ്റിം​ഗ് ആ​ന്‍​ഡ് പ്രോ​ഗ്രാ​മിം​ഗ് എ​ന്നീ കോ​ഴ്‌​സു​ക​ളാ​ണ് ഇ​വി​ടെ​യു​ള്ള​ത്.

സ്ഥ​ല പ​രി​മി​തി​കാ​ര​ണം ക്ലാ​സ് മു​റി​ക​ളി​ല്‍ ത​ന്നെ​യാ​ണ് ല​ബോ​റ​ട്ട​റി​യും പ്ര​വ​ര്‍​ത്തി​ക്കു​ന്ന​ത്. ക​ഴി​ഞ്ഞ പ​തി​ന​ഞ്ചു വ​ര്‍​ഷ​മാ​യി ന​ഗ​ര​സ​ഭാ ബ​ജ​റ്റി​ലും പ​ദ്ധ​തി വി​ഹി​ത​ത്തി​ലും പ​ണം ഉ​ള്‍​ക്കൊ​ള്ളി​ക്കു​ക​യും ഒ​ടു​വി​ൽ പ​ണം ജി​ല്ലാ ഭ​ര​ണ​കൂ​ട​ത്തി​ന് അ​ട​യ്ക്കു​ക​യും ചെ​യ്തി​ട്ടും സ്ഥ​ലം ഏ​റ്റെ​ടു​ത്ത് കെ​ട്ടി​ടം നി​ർ​മി​ക്കാ​ൻ ഇ​തു​വ​രെ ന​ട​പ​ടി സ്വീ​ക​രി​ക്കാ​ത്ത​ത് വ്യാ​പ​ക പ്ര​തി​ഷേ​ധ​ത്തി​ന് ഇ​ട​യാ​ക്കു​ക​യാ​ണ്.