കൊച്ചി: മമ്മൂട്ടിയെ നായകനാക്കി സംവിധായകന്‍ അമല്‍ നീരദ് ഒരുക്കിയ ഭീഷ്മ പര്‍വ്വം എന്ന സിനിമയെ വിമര്‍ശിച്ച് കെസിബിസി. ചിത്രത്തിലെ ചില രംഗങ്ങള്‍ക്കും ഡയലോഗുകള്‍ക്കുമെതിരെ കെസിബിസി പ്രസിദ്ധീകരണമായ ജാഗ്രത ന്യൂസിലൂടെയാണ് വിമര്‍ശനം ഉന്നയിച്ചിരിക്കുന്നത്.
ക്രൈസ്തവ വിരുദ്ധ സിനിമയാണ് ഭീഷ്മപര്‍വമെന്ന് സമൂഹമാധ്യമത്തിലൂടെ പങ്കുവച്ചിരിക്കുന്ന ലേഖനത്തില്‍ ജാഗ്രത ന്യൂസ് ആരോപിക്കുന്നു.
നിഷേധാത്മകമായ പരിവേഷം നല്‍കി ക്രൈസ്തവ വിശ്വാസത്തിനും ക്രൈസ്തവ സമൂഹത്തിന്‍റെ അഭിമാനത്തിനും ക്ഷതമേല്‍പ്പിക്കുന്ന ചിത്രങ്ങള്‍ക്ക് ഏറ്റവും പുതിയ ഉദാഹരണമാണ് ഈ ചിത്രമെന്ന് ലേഖനത്തില്‍ വ്യക്തമാക്കുന്നു.
