ലണ്ടൻ: ഇന്ത്യയുടെ ലോകകപ്പ് ക്രിക്കറ്റ് ടീം അംഗമായ കേദാർ ജാദവ് വെള്ളിത്തിരയിലേക്കെന്ന് സൂചന. ടീമിന്‍റെ ഉപ നായകൻ രോഹിത് ശർമയാണ് ഇക്കാര്യം സൂചിപ്പിച്ചത്. ബോളിവുഡ് ചിത്രമായ റേസ് 4 ൽ കേദാറിനെ വൈകാതെ കാണാമെന്നായിരുന്നു രോഹിത്തിന്റെ വെളിപ്പെടുത്തൽ.
ബംഗ്ലാദേശിനെതിരായ ലോകകപ്പ് സന്നാഹ മത്സരത്തിനായി കാർഡിഫിലേക്ക് ടീം ബസിൽ യാത്ര ചെയ്യുന്നതിനിടെ രോഹിത് എടുത്ത ഒരു വീഡിയോയിലാണ് ഇക്കാര്യം സൂചിപ്പിക്കുന്നത്. റേസ് 4 ൽ അഭിനയിക്കാനുള്ള അവസരം ലഭിച്ചതായി കേൾക്കുന്നുണ്ടല്ലോ എന്നായിരുന്നു രോഹിത്തിന്റെ ചോദ്യം. അതെ, അന്തിമ തീരുമാനമായിട്ടില്ല. ചർച്ചകൾ പുരോഗമിക്കുന്നു- ഇതായിരുന്നു കേദാറിന്‍റെ മറുപടി.
