കണ്ണൂർ കേളകത്ത് യുവാവിന്‍റെ മ​ര​ണ​ത്തി​ൽ ദു​രൂ​ഹ​ത! സി​പി​എം ബ്രാ​ഞ്ച് സെ​ക്ര​ട്ട​റി​യ​ട​ക്ക​മു​ള്ള​വർ ആ​ക്ര​മി​ച്ചിരുന്നുവെന്നും മ​ർ​ദി​ച്ച് കൊ​ല​പ്പെ​ടു​ത്തി കെ​ട്ടി​ത്തൂ​ക്കി​യെന്നും കുടുംബം

കേ​ള​കം: അ​ട​യ്ക്കാ​ത്തോ​ട്ടി​ലെ പു​ലി​യി​ള​ക്ക​ൽ സ​ന്തോ​ഷി​ന്‍റെ മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നും ഇ​ക്കാ​ര്യ​ത്തി​ൽ സ​ത്യ​സ​ന്ധ​മാ​യ അ​ന്വേ​ഷ​ണം ന​ട​ത്തി യ​ഥാ​ർ​ഥ വ​സ്തു​ത പു​റ​ത്തു കൊ​ണ്ടു​വ​ര​ണ​മെ​ന്നും ബ​ന്ധു​ക്ക​ളും നാ​ട്ടു​കാ​രും ആ​വ​ശ്യ​പ്പെ​ട്ടു.

കഴി​ഞ്ഞ ഞാ​യ​റാ​ഴ്ച​യാ​ണ് ബ​ന്ധു​വീ​ട്ടി​ൽ​നി​ന്ന് ര​ണ്ടു കി​ലോ​മീ​റ്റ​ർ അ​ക​ലെ സ​ന്തോ​ഷി​നെ തൂ​ങ്ങി മ​രി​ച്ച​നി​ല​യി​ൽ കാ​ണു​ന്ന​ത്.

ദേ​ഹ​മാ​സ​ക​ലം പ​രി​ക്കേ​റ്റ പാ​ടു​ക​ളും കാ​ലി​ലെ ചെ​രിപ്പ് അ​ഴി​ഞ്ഞു​പോ​കാ​ത്ത​തും പോ​ക്ക​റ്റി​ലു​ണ്ടാ​യി​രു​ന്ന മൊ​ബൈ​ൽ ഫോ​ൺ താ​ഴെ വീ​ഴാ​ത്ത​തും സം​ഭ​വ​ത്തി​ലെ ദു​രൂ​ഹ​ത വ​ർ​ധി​പ്പി​ക്കു​ന്ന​താ​യി സ​ന്തോ​ഷി​ന്‍റെ ഭാ​ര്യ​യും ബ​ന്ധു​ക്ക​ളും നാ​ട്ടു​കാ​രും ആ​രോ​പി​ച്ചു.

വെ​ള്ളി​യാ​ഴ്ച രാ​ത്രി കാ​ടു​വെ​ട്ട​ൽ യ​ന്ത്രം ന​ന്നാ​ക്കി കേ​ള​ക​ത്തു​നി​ന്ന് അ​ട​യ്ക്കാ​ത്തോ​ട്ടി​ലെ വീ​ട്ടി​ലേ​ക്ക് വ​രു​ന്ന വ​ഴി പാ​റ​ത്തോ​ട്ടി​ൽ വ​ച്ച് ഒ​രു സം​ഘ​മാ​ളു​ക​ൾ ത​ന്നെ മ​ർ​ദി​ച്ച​താ​യി സ​ന്തോ​ഷ് വീ​ട്ടു​കാ​രോ​ട് പ​റ​ഞ്ഞി​രു​ന്നു.

സി​പി​എം ബ്രാ​ഞ്ച് സെ​ക്ര​ട്ട​റി ജോ​ബി​ൻ​സ​ട​ക്കം അ​ഞ്ചം​ഗ സം​ഘ​മാ​ണ് ആ​ക്ര​മി​ച്ച​തെ​ന്നും സ​ന്തോ​ഷ് പ​റ​ഞ്ഞ​താ​യി ബ​ന്ധു​ക്ക​ൾ ചൂ​ണ്ടി​ക്കാ​ട്ടി. പോ​ലീ​സി​ൽ പ​രാ​തി​പ്പെ​ട​രു​തെ​ന്ന് ഇ​വ​ർ ഭീ​ഷ​ണി​പ്പെ​ടു​ത്തി​യ​താ​യും പ​റ​യു​ന്നു.

ആ​ക്ര​മ​ണ​ത്തി​ൽ സ​ന്തോ​ഷി​ന്‍റെ ക​ണ്ണി​ന് സാ​ര​മാ​യ പ​രി​ക്കേ​റ്റി​രു​ന്നു. ശ​നി​യാ​ഴ്ച രാ​വി​ലെ മ​രു​ന്ന് വാ​ങ്ങാ​നാ​യി കേ​ള​ക​ത്തേ​ക്കു പോ​യ സ​ന്തോ​ഷ് പി​ന്നീ​ട് തി​രി​കെ വീ​ട്ടി​ലെ​ത്തി​യി​ട്ടി​ല്ല.

അന്നു രാ​ത്രി​യോ​ടെ സ​ന്തോ​ഷി​നെ കാ​ണാ​താ​യ​തി​നെ തു​ട​ർ​ന്ന് കേ​ള​കം സ്റ്റേ​ഷ​നി​ൽ പ​രാ​തി ന​ൽ​കി​യി​രു​ന്നു.

ഞാ​യ​റാ​ഴ്ച രാ​വി​ലെ 11 ഓ​ടെ​യാ​ണ് വെ​ണ്ടേ​ക്കും​ചാ​ൽ ശാ​ന്തി​ഗി​രി റോ​ഡി​ന് സ​മീ​പം സ​ന്തോ​ഷി​നെ തൂ​ങ്ങി​മ​രി​ച്ച​നി​ല​യി​ൽ ക​ണ്ട​ത്.

യാ​തൊ​രു കാ​ര​ണ​വ​ശാ​ലും ഭ​ർ​ത്താ​വ് ആ​ത്മ​ഹ​ത്യ ചെ​യ്യി​ല്ലെ​ന്നും വെ​ള്ളി​യാ​ഴ്ച മ​ർ​ദി​ച്ച സം​ഘം​ത​ന്നെ ശ​നി​യാ​ഴ്ച വീ​ണ്ടും മ​ർ​ദി​ച്ച് കൊ​ല​പ്പെ​ടു​ത്തി കെ​ട്ടി​ത്തൂ​ക്കി​യ​താ​കാ​മെ​ന്നു​മാ​ണ് ഭാ​ര്യ​യും ബ​ന്ധു​ക്ക​ളും ആ​രോ​പി​ക്കു​ന്ന​ത്.

ഭാ​ര്യ​യും ര​ണ്ടു മ​ക്ക​ളും അ​ട​ങ്ങു​ന്ന കു​ടും​ബ​ത്തി​ന്‍റെ ഏ​ക ആ​ശ്ര​യ​മാ​ണ് ന​ഷ്ട​പ്പെ​ട്ട​ത്. സ​ന്തോ​ഷി​ന്‍റെ മ​ര​ണ​ത്തി​ലെ ദു​രൂ​ഹ​ത അ​ന്വേ​ഷി​ ക്ക​ണ​മെ​ന്നാ​വ​ശ്യ​പ്പെ​ട്ട് ഡി​ജി​പി​ക്കും മു​ഖ്യ​മ​ന്ത്രി​ക്കും ജി​ല്ലാ പോ​ലീ​സ് മേ​ധാ​വി​ക്കും കു​ടും​ബം പ​രാ​തി ന​ൽ​കി.