ഓ​ഫീ​സ​ർ ഹാജരല്ല; കോ​ളാ​രി വി​ല്ലേ​ജ് ഓ​ഫീ​സ് പ്ര​വ​ർ​ത്ത​നം അ​വ​താ​ള​ത്തി​ൽ;സർട്ടിഫിക്കറ്റുകൾ കിട്ടാതെ വലഞ്ഞ് ജനങ്ങൾ

മ​ട്ട​ന്നൂ​ർ:​കോ​ളാ​രി വി​ല്ലേ​ജ് ഓ​ഫീ​സി​ൽ ഓ​ഫീ​സ​റി​ല്ലാ​ത്ത​തി​നാ​ൽ പ്ര​വ​ർ​ത്ത​നം അ​വ​താ​ള​ത്തി​ലാ​കു​ന്നു. നി​ല​വി​ലു​ള്ള ഓ​ഫീ​സ​ർ അ​വ​ധി​യി​ൽ പോ​യ​തോ​ടെ ആ​വ​ശ്യ​ത്തി​ന് സ​ർ​ട്ടി​ഫി​ക്ക​റ്റു​ക​ൾ ഉ​ൾ​പ്പെ​ടെ ല​ഭി​ക്കാ​തെ വ​ന്ന​തോ​ടെ ജ​ന​ങ്ങ​ൾ ദു​രി​ത​മ​നു​ഭ​വി​ക്കു​ക​യാ​ണ്.മ​ട്ട​ന്നൂ​ർ – ക​ണ്ണൂ​ർ റോ​ഡി​ൽ പോ​ലീ​സ് സ്റ്റേ​ഷ​ന് സ​മീ​പം അ​സൗ​ക​ര്യ​ങ്ങ​ൾ കൊ​ണ്ട് വീ​ർ​പ്പു​മു​ട്ടു​ന്ന കെ​ട്ടി​ട​ത്തി​ലാ​ണ് ഓ​ഫീ​സ് പ്ര​വ​ർ​ത്ത​നം ന​ട​ത്തു​ന്ന​ത്.

ഒ​രു വി​ല്ലേ​ജ് ഓ​ഫീ​സ​റും ര​ണ്ടു വീ​തം സ്പെ​ഷ്യ​ൽ വി​ല്ലേ​ജ്മാ​നും ഫീ​ൽ​ഡ് അ​സി​സ്റ്റു​മാ​ണ് ഓ​ഫീ​സി​ലു​ണ്ടാ​യി​രു​ന്ന​ത്. ഈ ​മാ​സം വി​ല്ലേ​ജ് ഓ​ഫീ​സ​ർ ഒ​രു മാ​സ​ത്തെ അ​വ​ധി​യി​ൽ പോ​യ​തോ​ടെ മ​റ്റു നാ​ല് പേ​ർ മാ​ത്ര​മാ​ണ് ഓ​ഫീ​സി​ലു​ള്ള​ത്. ഇ​തി​ൽ ഒ​രാ​ൾ നി​കു​തി അ​ട​ക്കു​ന്ന​തി​ന് മാ​ത്ര​മാ​ണ്. ഓ​ഫീ​സ​ർ മൂ​ന്ന് ദി​വ​സ​ത്തി​ൽ കൂ​ടു​ത​ൽ അ​വ​ധി​യി​ൽ പോ​കു​മ്പോ​ൾ പ​ക​രം വി​ല്ലേ​ജ് ഓ​ഫീ​സ​ർ​ക്ക് ചു​മ​ത​ല ന​ൽ​ക​ണ​മെ​ന്നു​ണ്ടെ​ങ്കി​ലും ഓ​ഫീ​സി​ലെ സ്പെ​ഷ്യ​ൽ വി​ല്ലേ​ജ​ർ​ക്കാ​ണ് ചു​മ​ത​ല ന​ൽ​കി​യി​രി​ക്കു​ന്ന​ത്.

നി​കു​തി അ​ട​വ്, സ​ർ​വേ പ്ലാ​ൻ, പ​ട്ട​യം, ഭൂ​മി​യു​ടെ റി​പ്പോ​ർ​ട്ട് ത​യാ​റാ​ക്ക​ൽ, കെ​ട്ടി​ടം അ​ള​ക്ക​ൽ, നോ​ട്ടീ​സ് ന​ൽ​ക​ൽ തു​ട​ങ്ങി​യ നി​ര​വ​ധി ജോ​ലി ഓ​ഫീ​സ് ഉ​ദ്യോ​ഗ​സ്ഥ​ർ​ക്ക് ഉ​ണ്ടെ​ന്നി​രി​ക്കെ വി​ല്ലേ​ജ് ഓ​ഫീ​സ​റു​ടെ അ​ധി​ക ചു​മ​ത​ല ഒ​രു സ്റ്റാ​ഫി​ന് ന​ൽ​കി​യ​തി​നാ​ൻ മി​ക്ക ഫ​യ​ലു​ക​ളും നീ​ങ്ങാ​ത്ത അ​വ​സ്ഥ​യു​ണ്ട്. ര​ണ്ടു വി​ല്ലേ​ജി​നേ​ക്കാ​ൾ ഏ​രി​യ കോ​ളാ​രി വി​ല്ലേ​ജി​ലു​ണ്ടെ​ങ്കി​ലും ഒ​രു ഓ​ഫീ​സി​ന് വേ​ണ്ട സ്റ്റാ​ഫ് മാ​ത്ര​മാ​ണ് ഇ​വി​ടെ​യു​ള്ളു.

ഓ​ഫീ​സ​റി​ല്ലാ​ത്ത​തി​നാ​ൽ പ​ട്ട​യം ഉ​ൾ​പ്പെ​ടെ​യു​ള്ള സ​ർ​ട്ടി​ഫി​ക്ക​റ്റു​ക​ൾ ല​ഭി​ക്കാ​ത്ത​തി​നാ​ൽ ജ​ന​ങ്ങ​ൾ ബു​ദ്ധി​മു​ട്ടു​ക​യാ​ണ്. ബാ​ങ്ക് വാ​യ്പ അ​ട​ക്ക​മു​ള്ള ആ​വ​ശ്യ​ത്തി​ന് പ​ട്ട​യം ഉ​ൾ​പ്പെ​ടെ​യു​ള്ള സ​ർ​ട്ടി​ഫി​ക്ക​റ്റു​ക​ൾ ല​ഭ്യ​മാ​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ പ​റ​ഞ്ഞു.